Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Justin Sane
Justin Sane
Justin Sane
Información personal
Nombre Justin Cathal Geever
Embotada Justin Sane
Naixió 21 de febrero de 1973
Murió
Información musical
Orichen Pittsburgh, Pennsilvania, Estaus Unius
Estilo Punk
Ocupancia {{{Ocupancia}}}
Instrumentos Voz, guitarra
Tiempo
Discograficas {{{Discografica}}}
Relacionau con Anti-Flag
Pachina web

Justin Cathal Geever (naixito o 21 de febrero de 1973 de Pittsburgh, Pennsilvania, Estaus Unius), mas conoixito en o mundo musical como Justin Sane, ye o guitarrista y cantaire/compositor d'o grupo estausunidense Anti-Flag, un grupo de punk rock formato en 1988 en Pittsburgh, Pennsilvania, conoixito por os suyos ideyals de ezquierdas. Tien doble nacionalidat, estausunidense y irlandesa[1] y vive actualment en Pittsburgh. O suyo nombre artistico le'n dioron os suyos amigos d'a escena punk de Pittsburgh.

Biografía editar

Primers anyos editar

Sane estió o zaguer fillo d'una familia irlandesa-estausunidense de clase obrera, por ixo a sobén cita a sus país como fuent d'inspiración. Éls ubrioron o primer restaurant vechetariano de Pittsburgh, feito que influyó en o vechetarianismo de Sane y o suyo refirme a os dreitos d'os animals.

A chermana de Sane, Lucy, estió qui le regaló a suya primera guitarra, lo que fació que él prencipiase a intresar-se por a musica punk rock y hardcore. A primera canción que escribió Sane tractaba sobre un choven con sobredosis y a segunda parlaba d'os telepedricadors.

Carrera editar

 
Justin, en un concierto d'Anti-Flag

En 1988, Sane chunto a o suyo amigo Pat Thetic forma Anti-Flag.[2] En l'anyo 1996, quitan o suyo primer álbum, Die for the Government. Ixe mesmo anyo, Andy Flag deixa o grupo debito a disputas personals. Cuantos miembros d'o grupo plegan y marchan entre 1997 y 1998, consiguiendo a la fin una formación estable con Sane como guitarrista/vocalista, Thetic como batería, Chris Head como guitarra prencipal/coros, y Chris "#2" Barker como baixista/segundo vocalista.[3] En 1998, amaneixe o segundo disco d'o grupo, Their System Doesn't Work For You.

En 1999 Anti-Flag quita o suyo tercer álbum, A New Kind of Army, y creyan a suya propia discografica, A-F Records. En 2001, sinyan con Fat Wreck Chords dimpués de plegar a un alcuerdo con o propietario d'a discografica, "Fat Mike" Burkett.[4] Ye por ixas envueltas cuan quitan con Fat Wreck Chords o disco Underground Network.

 
En a Universidat de Viena

O suyo disco Mobilize, gravato chusto dimpués d'os ataques de l'11 de setiembre de 2001, amaneixe en primerías de 2002.[5] Anti-Flag quita un split álbum chunto a Bouncing Souls siet meses dimpués. En 2003 apareixe The Terror State, un nuevo disco producito por Tom Morello de Rage Against the Machine. O primer DVD d'Anti-Flag DVD, Death of a Nation, amaneixe en 2004. O DVD incluye actuacions en conciertos, tres videos musicals, una entrevista con o grupo, imáchens d'a suya chira, y tres montaches feitos por o grupo.[6]

En 2006, Anti-Flag quita For Blood and Empire con a discografica RCA Records. Bi ha fans que cretican a lo grupo por haber sinyato con una gran discografica, encara que l'álbum tien una buena recepción por parti d'o publico. The Bright Lights of America amaneixe en 2008.

En mayo de 2008 Sane se treslada a vivir ta East End en Londres; dimpués tornaría atra vegata ta Pittsburgh.

En o 4 de marzo de 2009, Sane salta dencima d'o publico en un concierto en a Universidat d'East Anglia en Norwich y se creba a claviella. Por iste notivo Anti-Flag habió de cancelar a suya chira con Rise Against.

Instrumentos editar

Sane fa servir guitarras ESP y LTD Eclipses, y actualment de forma exclusiva, ya que ye endorser d'ESP. D'antis mas tamién emplegaba guitarras Gibson Les Paul. Por un regular fa servir amplificadors Marshall como os modelos JCM800, 900 y 2000 y Marshall 1960. Sane y Head tamién han emplegato amplificadors Orange y Hiwatt en as suyas zagueras chiras.

Educación editar

Sane se graduó en a Oakland School de Pittsburgh y posteriorment en a Universidat de Pittsburgh, fendo estudios de comunicacions y ciencias politicas.

Treballo en solitario editar

Sane ha feito cuantas gravacions en solitario, como o disco de seis cancions These are the Days en 2001 u o suyo treballo Life, Love and the Pursuit of Justice en 2003. Istos treballos por un regular se centran en temas como l'aimor, a familia y atros conceptos cutianos, en contraste con as cancions politizatas que fa con Anti-Flag.

Discografía editar

 
Justin Sane

Anti-Flag:

Solitario:

Referencias editar

  1. http://www.youtube.com/watch?v=jD1aGnTigWk
  2. Malkin, John (2005-04-27). "Justin Sane's Military Free Zone". WireTap Magazine. http://www.wiretapmag.org/stories/21879. 
  3. Stoffel, Michelle (2007-12-03). "Interview with Anti-Flag". Punkbands.com. http://www.punkbands.com/interviews/284. 
  4. Harlow, Luke (2001). "Anti-Flag - Justin Sane". Decapolis. http://www.decapolis.com/musicreviews/interviews/anti.shtml. 
  5. Mobilize liner notes, 2002.
  6. Death of a Nation DVD liner notes

Vinclos externos editar