Animal Crossing ye una serie de videochuegos de simulación social desembolicada y publicada por Nintendo y creyada por Katsuya Eguchi y Hisashi Nogami.

Animal Crossing.

En Animal Crossing, o personache d'o chugador ye un ser humán que vive en un lugarón habitau por cuantos animals antropomorficos, que leva a cabo diversas actividaz como que la pesca, a captura d'insectos y a rechira de fósils. A serie se destaca por a suya chugabilidat ubierta y l'uso extensivo d'o reloch interno y o calandario d'a consola de videochuegos para simular o paso d'o tiempo real.

Dende o suyo lanzamiento inicial en 2001, s'han lanzau cinco chuegos d'Animal Crossing en toz, un pa cadagún de Nintendo 64 / iQue Player (amillorau y reeditau pa Nintendo GameCube), Nintendo DS, Wii, Nintendo 3DS y Nintendo Switch. A serie ha teniu tanto exito critico como que comercial y ha vendiu mas de 40 millons d'unidaz en toz. Tamién s'han lanzau tres chuegos derivaus: Animal Crossing: Happy Home Designer pa Nintendo 3DS, Animal Crossing: Amiibo Festival para Wii U y Animal Crossing: Pocket Camp para dispositivos mobils.