Alexandra Jiménez
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Alexandra Jiménez | |
|---|---|
 Alexandra Jiménez en los Premios Goya de 2017. | |
| Información personal | |
| Calendata naiximiento: | 4 de chinero de 1980 |
| Puesto naiximiento: |  Zaragoza
|
Alexandra Jiménez Arrechea ye una actriz aragonesa naixita de Zaragoza o 4 de chinero de 1980.
Dimpués d'emprencipiar bien choven a estudiar ballet en o Estudio de Danza María de Ávila de Zaragoza y o Real Conservatorio Profesional de Danza de Madrit, tornando-se bailarina profesional ta os 15 anyos, Alexandra sofrió una lesión en o piet dreito y decidió d'albandonar o ballet y adedicar-se a l'arte dramatico. Fació estudios d'interpretación en a Escuela Superior de Artes Escénicas y Espectáculos de Madrit, encomenzando a compachinar ya en o segundo curso a suya formación con bella intervención en series televisivas como Policías, Periodistas u Compañeros.
Manimenos, o papel que la ferá conoixita ta o publico ye o d'África, a sofrita y cinica companyera de Raúl y amiga d'Eva en a serie de televisión Los Serrano de Telecinco. Tamién ha participato en a serie Tres son multitud, como Valeria, amás de fer de colaboradora en o programa Alerta 112.
En a gran pantalla, ha treballato como Trini en a cinta de Manuel Sanabria, La fiesta. Ha participato en bels curtometraches: con o papel de misacha gánster en Low Bat (2002), como Isabel en Demonios de corta vista (2004), El mono de Hamlet (2004), A Mario (2004) y Anillos de Saturno (2001), que li mereixió una Mención Especial a la Millor Actriz.
En teatro, ha actuato prencipalment en: Fin del mundo, todos al tren (Alberto Millares, 2002), Los menecomos (Roberto Cerdá, 2002), Siete por siete (Fermín Cabal, 2003) y 5mujeres.com (2004).
Tamién ha feito de modelo ta las colecions Kangaroos (primavera-verano de 2005) y Bossini (agüerro-hibierno 2004-2005), en ista chunto con Alejo Sauras.
Vinclos externos
editar- (en) Alexandra Jiménez en IMDb.
- (es) Pachina oficial.
- (es) Sitio oficial d'a serie Los Serrano.
Datos: Q2833293
Multimedia: Alexandra Jiménez / Q2833293
