Albertinaplatz
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
  Albertinaplatz
| |
|---|---|
 | |
| Ciudat | Viena |
| Districto |  Innere Stadt
|
| Carreras | Augustinerstraße, Tegetthoffstraße, Maysedergasse, Philharmonikerstrasse, Operngasse, Hanuschgasse |
| Eponimo | Albertina |
 | |
 
| |
L'Albertinaplatz ye una plaza d'a ciudat de Viena que se troba en o districto d'Innere Stadt. O suyo nombre lo prene dende 1934 d'o museu Albertina que se troba en ista mesma plaza en o Palacio de l'Archiduque Albrecht. Una parti d'ista plaza se dició entre 1947 y 2009 plaza de Helmut-Zilk.
Situación y caracteristicas
editar
L'Albertinaplatz se troba en mel meyo d'una crucillata de seis carreras y carrerons que s'unen en iste punto (en sentido d'as agullas d'o reloch y prencipiando por o norte l'Augustinerstraße, Tegetthoffstraße, Maysedergasse, Philharmonikerstrasse, Operngasse y Hanuschgasse). O museu d'Albertina, que da nombre a la plaza se troba situato en alto en un dos cantons d'a plaza chunto a una estatua de l'archiduque Albrecht. A os pietz d'o palacio se troba l'Albrechtsbrunnen (u Fuent d'Albrecht), en o puesto que ya ye oficialment o numero 1 d'a carrera Augustinerstraße. A Opera Estatal de Viena ye situata en a esquina norueste d'a plaza, debant d'a on se troban os dos unicos edificios que tienen a suya adreza postal en ista plaza:
- Numero 2: Casa d'a esquina con Maysedergasse 5 (incluyindo-ie a terraza d'o Café Mozart)
- Numero 3: Casa d'a esquina con Philharmonikerstraße 6
Os edificios numero 2 y numero 3 son edificios residencials y negocios d'estilo historicista construyitos en o sieglo XIX y fan parti d'o mesmo conchunto que l'Hotel Sacher, situato en a Philharmonikerstraße 2–6, habendo-se feito dentratas en a planta baixa que dan a l'Albertinaplatz.
L'adreza d'o numero 1 d'Albertinaplatz s'asocia a sobén en o plan d'a ciudat de Viena con a unión d'as carreras Augustinerstraße y Tegetthoffstraße, en o mesmo puesto a on dica 1945 se trobaba o molimental Philipphof, espaldato mientres a Segunda Guerra Mundial. As enrunas de l'edificio se quitoron en 1947, deixando ista zona vueda. En iste mesmo puesto, en a parti norte d'a plaza, se construyó en 1988 chunto a una chicota zona verda o Mahnmal gegen Krieg und Faschismus ("Molimento contra a guerra y o faixismo"), denominando-se iste sector dica 2009 como Helmut-Zilk-Platz.
Bibliografía
editar- Felix Czeike: Historisches Lexikon Wien. Bd. 1. Kremayr & Scheriau, Wien 1992, ISBN 3-218-00543-4.
- Bundesdenkmalamt (Hrsg.): Dehio-Handbuch Wien. I. Bezirk - Innere Stadt. Verlag Berger, Horn 2003, ISBN 3-85028-366-6.
Datos: Q2639270
Multimedia: Albertinaplatz, Vienna / Q2639270
