Agnosticismo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'agnosticismo (d'o griego a = no y gnosis = conoiximiento) ye una postura relichiosa u filosofica sobre a relichión d'alcuerdo a la cuala la existencia u no d'un dios u una mitolochía de deidatz, ye esconoixita y por ixo irrelevant. A existencia u no d'un dios no ye irrelevant por estar esconoixita, sino por no poder estar conoixita u obtener denguna certeza sobre ixe feito. "Un problema sin de solución no ye un problema".
En bellas versions (agnosticismo enreble) ista manca de certeza u conoiximientos ye una postura personal relacionata con o escepticismo. En atras versions (agnosticismo fuerte) s'afirma que o conoiximiento sobre a existencia u no de sers superiors antimás de que no s'ha adubito tampoco no ye posible d'adubir. Por atra parti bi ha versions (apateísmo) en as cualas s'afirma que a existencia u no de sers superiors antimás de que no ye conoixita ye irrelevant.
En cheneral os agnosticos consideran que as relichions, anque no son una parte fundamental d'a condición humana, sí que en son d'a cultura y d'a historia humana.
Os agnosticos no son necesariament antirrelichiosos, sino que respetan totas as creyencias que provienen d'una reflexión individual y honesta, y no d'un intrés egoista, d'o desaspero u d'a presión d'a sociedat. L'agnostico entiende a fe nomás como una opción personal de cada individuo.
Datos: Q288928
Multimedia: Agnosticism / Q288928
