Aeropuerto de Madeira
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'aeropuerto Internacional de Madeira (codigo FNC ta a ciudat de Funchal), ocasionalment conoixito como aeropuerto de Funchal y como aeropuerto de Santa Catarina, ye o prencipal aeropuerto d'a Rechión Autonoma de Madeira, estando localizato en o municipio de Santa Cruz, en a isla de Madeira, existindo un atro en a isla de Porto Santo (PXO). Tien un gran movimento turistico provenient de toda Europa y, tamién un important movimento de carga ta proveyer a tot l'archipelago de Madeira.[1]
| Aeropuerto de Madeira | |||
|---|---|---|---|
| Aeroporto Internacional da Madeira Cristiano Ronaldo
| |||
 | |||
| Sumario | |||
| Tipo d'aeropuerto | Publico | ||
| Operador | ANAM | ||
| Dentrada en servicio | 1964 | ||
| Ciudat/Isla |  Santa Cruz
| ||
| Altaria | 59 m; 194 ft | ||
| Coordenadas | 32º 41' N 16º 46' W | ||
| Pistas | |||
| Endreza-cabeceras | Longaria | Superficie | |
| m | ft | ||
| 05/23 | 2.781 | 9.110 | Engudronata |
| Localización | |||
L'aeropuerto de Madeira fue inaugurato o 8 de chulio de 1964 con una pista de 1600 metros de largaria. O archipelago de Madeira ganó asinas nuevas connexions con o continent ya que dica alavez os viaches se feban en barco. O primer aterrizache d'un avión en a Madeira ye en l'anyo 1957, en una pista experimental en Santa Catarina.
En 1972, debito a la incapacidat d'a chicota pista en recibir avions capables de transportar o fluxo de turistas que veniban ta a isla de Madeira, prencipió a pensar-se en una enamplación ta que fuese posible fer vuelos intercontinentals.[1] Un prochecto d'o incheniero Edgar Cardoso fue presentato y, a l'anyo venient, s'inauguró una nueva terminal, con capacidat ta 500 mil pasachers por anyo.
Entre 1982 y 1986 a pista fue enamplata a 1800 metros, enamplando-se tamién a plataforma d'estacionamiento d'avions.
Tanimientres, o incheniero António Segadães Tavares adaptó os estudios de Edgar Cardoso y planificó una nueva enamplación d'a pista. Asinas, o 15 de setiembre de 2000 s'inauguara a pista con una largaria de 2781 metros. Ye construita parcialment sobre a mar, refirmando-se en 180 pilars.
Hue en día, l'aeropuerto ye cualificato para recibir avions Boeing 747 asinas como cuasi cualsiquier tipo de avión civil, estando a prencipal puerta de dentrata de turistas en a rechión, asinas como de servicio de correu postal y a atros servicios urchents y esencials. Ye un aeropuerto internacional que tamién se fa servir en vuelos domesticos.
Referencias
editar- ↑ 1,0 1,1 (pt) MELLO, J. C. C. B. S., et al. Avaliação do tamanho de aeroportos portugueses com relações multicritério desuperação. Pesquisa Operacional, v. 25, n.2, p. 313-33, 2005.
Datos: Q639161
Multimedia: Madeira Airport / Q639161
