Abreviadura
Una abreviadura[1] (d'o latín brevis, en aragonés "breu", "curto") ye o resultau d'acurzar una palabra u un grupo de palabras, representaus alavez por un caracter u un grupo de caracters salius d'ixa palabra. L'abreviadura consiste siempre en una supresión mas u menos important. Bi ha uns quantos metodos pa abreviar, d'os que os mas comuns son l'acronimia y as siglas. Un punto diferent a lo d'a fin d'a frase ye a sobén indicador d'una abreviadura (vid., adv., Sr.,[2] ecetra). Si l'abreviadura remata a frase o punto abreviativo y o punto final coinciden.
ReferenciasEditar
- ↑ (an) Reino d'Aragón: Fueros d'Aragón. ...propria conplidament et entregament o scrivir por letras et non por abreviaduras, ni senyales de scuredades....
- ↑ (an) Academia de l'Aragonés Propuesta ortografica de l'Academia de l'Aragonés. EDACAR, 7. Zaragoza, 2010. p 38.