A Gioconda
|
Un u más biquipedistas son treballando actualment enamplando iste articlo. Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con éls en a suya pachina d'usuario u a pachina de discusión de l'articlo ta poder coordinar-ne la redacción. |
| A Gioconda Gioconda | |
|---|---|
 | |
| Cuatrón informativo | |
| Pintor | Leonardo da Vinci |
| Anyo | circa 1503-1506 |
| Estilo artistico | Pintura renaixentista |
| Tecnica pictorica | Pintura a l'olio sobre tabla de chopo |
| Dimensions | 77x53 cm |
| Localización | Museu d'o Louvre (París, Francia) |
A Gioconda, conoixida tamién a vegadas como Mona Lisa (en italiano Gioconda u Monna Lisa) ye un cuadro pintau arredol de 1503-1506 por Leonardo da Vinci en estilo renaixentista de pintura a l'olio sobre una tabla de chopo, conservau actualment en o Museu d'o Louvre (París, Francia), que ye un retrato d'a noble italiana Lisa Gherardini (conoixida como Lisa del Giocondo u Monna Lisa) y que ye considerada como una obra mayestra d'o Renaiximiento italiano. Se la describe como "la obra d'arte mas conoixida, mas visitada, mas descrita, mas cantada y mas parodiada d'o mundo".[1] As prencipals cualidaz d'o cuadro incluyen la expresión enigmatica d'o rostro d'a modelo,[2] a molimentalidat d'a composición, o modelau sotil d'as formas y l'ilusionismo atmosferico.[3]
Encara que tradicionalment se considera que la modelo d'a obra ye la noble italiana Lisa del Giocondo l'autor d'o cuadro, Leonardo da Vinci, mai no entregó la pintura a la familia Giocondo,[4] y posiblement continó treballando en a obra dica 1517. Dimpués d'a muerte d'o pintor en 1519, o rei Francisco I de Francia mercó la obra, que dende alavez estió propiedat d'os reis de Francia y posteriorment d'a Republica Francesa, estando expuesta en o Museo d'o Louvre en París dende l'anyo 1797.[5]
Referencias
editar- ↑ (en) Jphn Lichfield: The Moving of the Mona Lisa, en The Independent, 1 d'abril de 2005.
- ↑ (en) Philip Cohen: Noisy secret of Mona Lisa's en New Scientist, 23 de chunio de 2004.
- ↑ (en) Noisy secret of Mona Lisa's, en a web d'o Museu d'o Louvre.
- ↑ (en) "Was the 'Mona Lisa' Leonardo's Male Lover?, en Artnet News, 22 d'abril de 2016.
- ↑ (en) David Carrier: Museum Skepticism: A History of the Display of Art in Public Galleries, Duke University Press, 2006, p.35. ISBN 978-0-8223-3694-5.
Vinclos externos
editar
Se veigan as imáchens de Commons sobre A Gioconda.
