Árbol de Nadal

L'árbol de Nadal (tamién dito de Navidat) ye un obchecto de decoración tipica d'o Nadal. Gosa estar una conifera de fuella perenne, por un regular un abet, y por ixo ye tamién conoixito como abet de Nadal, abete de Nadal. Se decora con elementos nadalencos como bolas, luces, figuretas y lazos.

Un abet de Nadal.

HistoriaEditar

Quan os primers cristians plegoron a o norte d'Europa, descubrioron que os barbaros celebraban o cabo d'anyo d'un d'os suyos dioses, adornando un árbol perenne, en una calendata amán d'o Nadal cristián. Iste árbol simbolizaba l'árbol de l'Universo, dito Divin Isdrasil, en a copa d'o que se trobaba o cielo, Asgard y o Valhalla; y en as radices mas fundas yeran os infiernos. Posteriorment con a evanchelización d'istos pueblos, os cristians pilloron a ideya de l'árbol cambeyando-le de tot o significato.

Sant Bonifacio, evanchelizador alemán, debant d'a uellada d'os chermans, pilló un astral y talló l'árbol (o Divin Isdrasil); y en o suyo puesto plantó un pin, simbolo de l'aimor perenne de Dios, y l'adornó con manzanas y velas; as manzanas simbolizaban o pecato orichinal y as tentacions, mientres que as velas representaban a luz de Chesucristo como luz d'o mundo. Con o paso d'o tiempo, as manzanas y as luces, se fuoron transformando en esferas y atros adornos.

Significato cristiánEditar

L'árbol mesmo remera l'árbol d'o Paradiso, d'os fruitos d'on minchoron Adán y Eva, y d'on venió o pecato orichinal; y por tanto remera que Chesucristo venió a estar o Mesias promeso ta a reconciliación. A forma triangular de l'árbol (por estar por un regular una conifera), representa a Santísma Trinidat. Os adornos simbolizan os dons que Dios da a os hombres, mientres que a estrela representa la de Betlem. Ya que l'árbol be d'estar perenne, representa a vida eterna.