Wikipedia:Politica d'uso d'imáchens

Ista pachina describe una politica oficial de Wikipedia en aragonés. Ha estau elaborada por a comunidat y o suyo cumplimiento ye obligatorio ta toz os editors. Puez editar-la pa amillorar a suya redacción y formato, pero si deseyas cambear a politica, caldrá consensuar-lo con a resta d'a comunidat.

Contino i tenemos una chicota lista de normas pa l'uso d'as imáchens. Cadaguna d'as normas son explicadas debaixo la lista.

En cargar una imachen...

1. Totas las imáchens libres se cargan a lo prochecto commons a on se podrán utilizar per toz los prochectos de Wikimedia. En la Biquipedia en aragonés nomás s'acceptan imáchens en alguns casos limitaus y chustificaus, y nomás será accesible dende esta Wikipedia. Veyer Wikipedia:Contenius no libres.
2. Parar cuenta con os dreitos d'autor (copyright) d'a imachen.
3. Usar lo campo de descripción d'a imachen en la pachina de carga u la pachina de descripción d'a imachen pa describir una imachen y lo suyo contexto respecto a los dreitos d'autor.
   1. Se puet incluyir lo codigo {{PD}} pa incluyir la plantilla de Dominio Publico.
   2. U lo codigo {{GFDL}} pa incluyir la plantilla de Licencia de documentación libro de GNU.
4. Emplegar un nombre de fichero claro y detallau. Fer servir nombres en aragonés; si se cargan imáchens dende Wikipedias en atras luengas, por favor, traducir-ne lo nombre. Parar cuenta que d'haber-ie ya un fichero con o mesmo nombre, será reemplazau per lo nuevo fichero d'imachen.
5. S'ha d'editar la imachen antes d'estar cargada, de manera que nomás se veiga la suya aria important. Retallar la parti que sobra d'a imachen que no i pueda intresar.
6. Siempre que sía posible, emplegar imáchens sin textos, pa facilitar la suya utilización pa las Wikipedias en atros idiomas.
7. Emplegar lo formato JPEG pa imáchens fotograficas, dibuixos artisticos en color, mapas, etc... y lo formato PNG pa iconos, dibuixos tecnicos, graficos, banderas, etc... Si ye posible, comparar la grandaria d'o fichero d'a imachen en formato JPG y en formato PNG, y triar lo que tienga menos octetos. No ye aconsellable utilizar imáchens en formato GIF (reemplazar-ne per PNG), sacau que sía una imachen animada.
8. Antes de no cargar-ie un fichero con una imachen potencialment ofensiva, reflexionar si en cal realment. En estes casos normalment ye aconsellable crear un enlaz de texto ta la imachen, anyadindo-ie una alvertencia sobre lo suyo conteniu. Per eixemplo, los que tratan sobre sexo explicito; pensar que la enciclopedia ye accesible pa menors de 18 anyos.
9. En la Biquipedia en aragonés cal categorizar las imáchens. Se clasifican automaticament per licencias.

Inclusión d'una imachen a un articlo

Veyer Aduya:Uso d'imáchens

En ficar-la en un articlo...

1. La imachen que ficamos en l'articlo ha d'estar acompanyada siempre per un texto alternativo.
2. La imachen ha d'estar ilustrativament dentro d'o contexto de l'articlo.
3. S'ha de deixar con a mida per defecto (configurable per l'usuario) sacau que tienga cualques caracteristicas especials u sía incluyida en bel formato de mida fixa (per eixemplo una infotabla).

Dreitos d'autor pa las imáchens

Nota: Esta no ye la politica oficial sobre dreitos d'autor, sino simplament un recordatorio y bels consellos adicionals.

Cuan i cargamos un fichero d'imachen, nos hemos de asegurar qué la imachen ye nuestra, que se trobe dentro d'o dominio publico u que l'autor y haiga acceptau licenciar-la baixo los termins de la licencia GFDL. Lo estau d'os dreitos d'autor de cada imachen ha d'estar anotau en a pachina descripción d'a imachen correspondient, ficando un aviso de dreitos d'autor y posando información sobre l'orichen d'a imachen.

Lo feito que esta Wikipedia sía, legalment, en idioma aragonés no comporta que los dreitos d'autor se troban nomás debaixo la churisdicción legal de Espanya (a on se troba la mayoría d'o territorio d'o dominio lingüistico), sino tamién la d'os Estaus Unius d'America (EEUU). Esto ye asinas per que la siede d'a Fundación Wikimedia, responsable d'os servidors, ye en la localidat de Saint Petersburg, Florida, EEUU (se veiga la información sobre los servidors).

Per tanto, seguntes la lei sobre dreitos d'autor d'os EEUU, totas las imáchens publicadas antes d'o día 1 de chinero de l'anyo 1923 en los EEUU son actualment de dominio publico, pero no lo son las imáchens que haigan estau creyadas antes d'o 1923, y publicadas de l'anyo 1923 en adebant. L'anyo 1923 tiene un significau especial, y esta calendata remanirá sin cambios dica l'anyo 2019. No contrastando, la interacción d'as diferents Wikipedia, la licencia GFDL, asinas como lo tema de dreito internacional, son temas que encara se i son discutindo.

En cualsequier caso, si sospeitamos muito sobre una posible violación d'os dreitos d'autor (per eixemplo, si no i hai información sobre lo estau d'os dreitos d'autor en a pachina d'anotacions d'a imachen, y l'hemos visto en atro puesto baixo un aviso de dreitos d'autor), alavez habríanos de marcar-lo pa borrar.