Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Valldigna ye una val y comarca historica de lo País Valenciano huei adhibita administrativament en la comarca de la Safor. Los lugars de la val suman 24.462 habitants (INE 2006). Huei bi ha una mancomunidat con lo mesmo nombre, la Mancomunidat de la Valldigna, y en forman parte los municipios de Barx, Benifairó, Simat y Tavernes, que tracta temas que afectan a la Valldigna. La capital tradicional de la comarca ye Simat, pero Tavernes de la Valldigna, que con 17.988 habitants (INE 2006) ye lo municipio mes grant de la val, encara que la capital de la mancomunidat ye Benifairó.

La Valldigna respecto de la Safor

Toponimia editar

En tiempos de los musulmans se deciba Alfándec, que significa terreno paulenco, pus en ixos tiempos los almarchals de Xeresa-Xeraco yeran mes extendillatos, ocupando buena part de la val.

Seguntes una leyenda la val prenió nombre de digna dimpués d'una conversa entre Chaime II y l'abate de lo Monesterio de Santes Creus. Enantes de lo 15 de marzo de 1298, calendata de la fundación de lo monesterio y mientres la reconquiesta de lo Reino de Murcia, lo rei Don Chaime II transitaba por la Vall d'Alfàndec de Marinyen y se chiró enta l'abate y li dició "Quina vall mes digna per a un monestir de la vostra religió", y l'abate li respondió: "Vall digna senyor, vall digna".

La comarca, u parzana en l'actualidat, amaneix en lo mapa d'Emili Beüt "Comarques naturals del Regne de València" publicato en 1934. En feban part los municipios actuals de Barx, Benifairó de la Valldigna, Simat de la Valldigna, Tavernes de la Valldigna, Xeraco y Xeresa.