Ubaldo Hualde
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ubaldo Hualde | |
|---|---|
 Antonia Anaut, de casa Katalin-Garde, y Ubaldo Uhalde, de casa Esandi, os zaguers fablants d'o Uskara en Isaba. | |
| Información personal | |
| Calendata de naixencia | ???? |
| Puesto de naixencia |  Isaba, Navarra(Euskal Herria) |
| Calendata de muerte | 1967 (96 años) |
| Puesto de muerte | Isaba, Navarra (Euskal Herria) |
Ubaldo Hualde Martín (????, Isaba - 1967, Isaba, Navarra) estió o zaguer hombre que charraba y escribiba en o dialecto roncalés d'o idioma basco como idioma marterno en a localidat d'Isaba y en a val de Roncal. Yera naixito de casa Esandi d'ista localidad. En Isaba yera conoixito con a embotada de el tío Ubaldo ("o tío Ubaldo").
Ubaldo Hualde no nomás sabeba charrar y escribir o uskara roncalés, sino que tamién mientres a suya vida se preocupó por conoixer-ne as suyas variants en Uztárroz, en Bidángoz, en Garde...
Hualde yera un autentico archivo vivient, una base de datos d'a cual lingüístas como José y Bernardo Estornés (toz dos d'Isaba), Koldo Mitxelena, u Juan San Martín, por eixemplo, prebaban d'obtener a mayor cantidat posible d'información. L'obchectivo que toz teneban, que tamién yera l'obchectivo d'Ubaldo Hualde, yera de dixar constancia d'una luenga que, cuasi amortata, encara yera viva a o mesmo tiempo que s'anunciaba a suya inminent desaparición.
Escritos
editarDixó escritos os textos de bellas cancions roncalesas, y amás recullía en os suyos escritos as diferents variants d'una mesma canción, seguntes as parlas de cada localidat roncalesa.
Anecdota
editar- O 2 d'octubre de 1932, mientres una chornada d'exaltación nacionalista organizata por o Izaba Buru Batzar (delegación d'Euzko Alderdi Jeltzalea d'Isaba) organizó en Isaba,[1] en o restaurant en que yeran minchando qui en 1936 sería o futuro Lehendakari Agirre con os dirichents nacionalistas y bels estudiosos d'o folklore basco, demandoron a presencia d'Ubaldo Hualde. Quereban que lis charrase en uskara roncalés, y asinas lo fació, con o suyo vestito roncalés de chaqueta, faixa y calzón.
- A la suya casa veniban sinyors ta charrar-ie, que con unos grans magnetofonos grababan tot o que él lis deciba. Mesmo una vegada o periodista basco-navarro Miguel de la Cuadra Salcedo venió a la suya casa con un equipo de Televisión Española,[1] y li facioron una entrevista en a cocina de casa Esandi.
Muerte
editarMorió en 1967, cuan teneba 96 anyadas. No se puet decir que con él morió o uskara roncalés, pos encara bi heban en a val de Roncal bellas personas, pocas, que encara lo podeban charrar (incluyindo-ie Antonia Anaut y Fidela Bernat); sindembargo, sí que podemos decir que a lengua roncalesa perdió a uno d'os suyos millors conoixedors, y tamién a la zaguera persona que sabeba escribir-la.
Referencias
editar
Datos: Q12268480
