Txeroki

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mikel Garikoitz Aspiazu Rubina (Bilbau, 6 de chulio de 1973), conoixiu con a embotada de Txeroki, ye un miembro d'ETA, estando lo chefe militar d'a organización dica que fue preso en noviembre de l'anyo 2008.

Biografía

Naixió en 1973 en Bilbau (País Basco). Dentró en a kale borroka con 24 anyos y fue entrenato en l'uso de armas por Gorka Palacios y María Soledad Iparraguirre, Anboto, con qui teneba una gran amistanza.

O suyo primer atentato estió en 2001, o 7 de noviembre. Fue identificato como un d'os autors de l'asasinato d'o chuez José María Lidón, cuan saliba d'o suyo coche en Getxo chunto a la suya muller y seguito en atro vehíclo por un d'os suyos fillos.

Dimpués d'a tregua de 1998 reorganizó los comandos d'ETA, prenendo lo mando. Se creye que estió un d'os suyos lugartenients qui ordenó, in situ, l'asasinato de dos guardias civils desarmatos de 24 y 23 anyos en Francia, en aviento de 2007. Os dos miembros d'ETA, tanto Txeroki como lo suyo lugartenient, yeran entre os terroristas mas buscatos en as listas d'a Guardia Civil.

Fue preso en a maitinata d'o 17 de noviembre de 2008, chunto con Leire López Zurutuza, en a localidat francesa de Cautarès, en una operación conchunta d'a Guardia Civil y a chendarmería francesa.

Referencias

• Datos: Q965667