Tractau de Lunéville

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoix con o nombre de tractau de Lunéville u paz de Lunéville a un tractau internacional sinyau o 9 de febrero de 1801 en a localidat de Lunéville (Meurthe y Mosela, Francia) entre os representants d'a Primera Republica Francesa y os representants d'o Sacro Imperio Romano Chermanico, en o marco d'as Guerras revolucionarias francesas, rematando-se asinas a dita Segunda Coalición y dixando a o Reino Uniu como o solo país en luitas contra os revolucionarios franceses dimpués d'as greus redotas d'os imperials en as batallas de Marengo y Hohenlinden.

As mugas d'o Sacro Imperio Romano Chermanico dimpués d'o Tractau de Lunéville en 1801.

Sinyoron o tractau Chusé Bonaparte, en representación d'a Republica Francesa, y Johann Ludwig von Cobenzl en representación de l'Imperio.

Seguntes as clausulas d'o tractau, os imperials habrían de cumplir con o tractau de Campo Formio de 1797, amás de perder bels territorios y posicions de preeminencia en Alemanya. Antiparte, Francia enamplaba as suyas mugas enta l'este a costa d'o Sacro Imperio, plegando dica o canto d'o río Rin, encara que renunciaba a fer reclamacions en a marguin dreita d'o Rin. Tamién se fixoron as mugas en bels territorios italianos, estando adhibius a Francia bels territorios, incluyindo-ie o Gran Ducau de Toscana. Tamién s'alcordaba respectar a independencia d'estaus satelites de Francia, como a Republica Batava, a Republica Cisalpina, a Republica Helvetica y a Republica Ligur. En compensanción, Austria s'anexionaba o bispato de Trento y o bispato de Brixen.

• Datos: Q156447
• Multimedia: Treaty of Lunéville / Q156447