Tierra d'Ostavals

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Tierra d'Ostavals (Oztibarre en basco; Ostabares en castellano; Ostabarret en francés) ye una comarca de l'este de la Baixa Navarra (Francia) con capital en Ostavals. En fan parte 9 municipios.

Tierra d'Ostavals Oztibarre
Comarca d'Euskal Herria
Ostavals-Asme
Capital  •Municipios	Ostavals-Asme 9
Entidat  •País  •Provincia	Comarca  Euskal Herria Ultrapuertos
Situación en Ultrapuertos

Cheografía

Ye situata en la cuenca alta de lo río Bidouze, a lo sud de lo municipio u comuna d'Uhart-Mixa. Muga a lo sud y sudueste con Garazi, a l'este con Sola, a lo norte con la Tierra de Mixa y a lo norueste con Arberoa.

Comprende los municipios d'Arhansus, Bunus, Hosta, Ibarrolle, Juxue, Larceveau-Arros-Cibits, Ostavals-Asme, Pagolle e Saint-Just-Ibarre.

Historia

Perteneixió a Gastón IV de Biarn, que lo recuperó pa Biarn por muito tiempo dimpués d'una guerra. Don P. Arnalt de Luxa, sinyor feudal local, se declaró vasallo de Sancho Lo Fuerte rei de Navarra en 1228.

Nombre

Lo suyo nombre (H)oztibarre bien de Hozta Ibarre (u Ibar), significando Val d'Hosta, que hipoteticament en gascón sería Ostavath lo lugar e Ostabarret la comarca (la -LL- latina evoluciona ta -th final u -r- intervocalica sola, seguntes la fonetica gascona). La forma Ostabarret con -rr- intervocalica doble sería una gasconización de lo basco Oztibarre.

En 1247 ya existen las denominacions de Tierra de Mixa y Tierra d'Ostavals:

• a vos serviria con el castiello de Villanova e con toda la Tierra de Mixa é Dostabales

Asinas lo fillo de lo vizconte de Tartax (vizconte que heba demandato protección a Sancho lo Fuerte en 1196) reconoixeba vasallache a Tibalt I de Navarra por haber recibito d'él Villanueva con tota la Tierra de Mixa y d'Ostavals.

• Datos: Q3092103