Telescopio espacial James Webb

Telescopio espacial James Webb u JWST.

O telescopio espacial James Webb (u tamién JWST, acronimo de l'anglés James Webb Space Telescope) ye un telescopio espacial actualment en construcción per a NASA y que observará lo universo en o espectro infrarroyo. O suyo espiello prencipal de 6.5 metros de diametro, clamau Optical Telescope Element, ye en realidat un conchunto de 18 espiellos hexagonals feitos de berilio y cubiertos per una fina telada d'oro. O telescopio será situau en o punto de Lagrange L2 d'o sistema Tierra-Sol a 1,5 millons de kilometros d'a Tierra. Pa poder realizar as suyas obserbacions con precisión os suyos trastes serán mantenius a una temperatura de −220 °C.

O prochecto acumula retardos significatius (yera previsto lo suyo lanzamiento en 2007) y uns grandizos sobrecostos (10.000 millons de dolars en octubre de 2019 en cuenta d'os orichinalment previstos 500 millons de dolars). O JWST ye un clasico eixemplo d'os prochectos denominaus en anglés too big to fail ("masiau gran pa cayer"). Son prochectos en os quals s'ha invertiu tantos diners que encara s'invierte mas pa privar que se cancele y tot se pierda.