Sobiranía alimentaria

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A sobiranía alimentaria ye a facultat de cada lugar ta definir as suyas propias politicas agrarias y alimentarias d'alcuerdo a obchectivos de desembolique sostenible y seguridat alimentaria. Ixo implica a protección d'o mercau domestico contra os productos excedentarios que se venden mas baratos en o mercau internacional, y contra a practica d'o dumping (venda por baixo d'os costes de producción). Ye un concepto que estió introduciu con mayor relevancia en 1996 por Vía Labradora en Roma, con motivo d'a Cumbre Mundial de l'Alimentación d'a Organización ta l'Alimentación y l'Agricultura (FAO).

Iste nuevo concepto, constituye una ruptura respective a la organización actual d'os mercaus agricolas y financiers mesa en practica por a OMC (Organización Mundial d'o Comercio). En contraste con a seguranza alimentaria definida por a FAO, que se centra en a disponibilidat de alimentos, a sobiranía alimentaria incide tamién en a importancia d'o modo de producción d'os alimentos y o suyo orichen. Resalta a relación que tiene a importación de alimentos baratos en o debilitamiento de producción y población agraria locals.

Historia

A sociedat civil estió clamada a contribuir a la Cumbre Mundial de l'Alimentación en un foro paralelo, o Foro Mundial por a Seguranza Alimentaria, entre o cual a Vía Labradora lanzó iste prencipio d'a Sobiranía Alimentaria. O Plan d'Acción d'o Foro de Roma de 1996 – Alimentos ta Toz, No Beneficios ta uns Pocos - ya fació hincapié en o paper crucial que a sociedat civil podeba y heba de chugar ta implementar os compromisos d'os gubiernos firmatarios d'a declaración d'a Cumbre Mundial de l'Alimentación. Posteriorment tres eventos mundials reunioron a os movimientos socials y a sociedat civil en o suyo conchunto ta abanzar en o concepto de Sobiranía Alimentaria: agosto de 2001, o Foro Mundial por a Sobiranía Alimentaria de l'Habana; chunio de 2002, o Foro d'ONG/OSC ta la Sobiranía Alimentaria de Roma, paralelo a la Cumbre Mundial de l'Alimentación: cinco anyos dimpués (CMA:cad); febrero de 2007, Nyéléni 2007 – Foro Internacional sobre Sobiranía Alimentaria, Sélingué, Mali.

• Datos: Q1361172
• Multimedia: Food sovereignty / Q1361172