Segundo Gubierno Chivite
| Segundo Gubierno Chivite Segundo Gobierno Chivite María Chivite bigarren gobernua | |
|---|---|
| |
| Imachen:Equipo de gobierno de Navarra de la XI Legislatura.jpg | |
| Fotografía d'o Segundo Gubierno Chivite. | |
| Información d'o Gubierno | |
| Establito | 18 d'agosto de 2023 |
| Reemplaza a | Primer Gubierno Chivite (2019-2023) |
| Churisdicción |  Navarra
|
| President | María Chivite Navascués |
O Segundo Gubierno Chivite ye lo Gubierno de Navarra dende la suya formación o 18 d'agosto de 2023, mientres a XI Lechislatura d'o Parlamento de Navarra, succedindo a lo Primer Gubierno Chivite. Ye presidiu por María Chivite Navascués, d'o Partido Socialista de Navarra, y ye un gubierno tripartito en estar formau, amás de por o partiu d'a presidenta, por atros dos partius: Geroa Bai y Contigo Navarra-Zurekin Nafarroa.
Historia
editarDimpués d'as eleccions a lo Parlamento de Navarra de 28 de mayo de 2023, a composición d'a cambra dificultaba la formación d'un Gubierno, en no disponer de mayoría ni lo bloque de dreita formau por Unión del Pueblo Navarro (15 deputaus), Partido Popular de Navarra (3 deputaus) y Vox (2 deputaus) con un total de 20 deputaus ni lo bloque d'ezquierda formau por Partido Socialista de Navarra (11 deputaus), Geroa Bai (7 deputaus) y Contigo Navarra-Zurekin Nafarroa (3 deputaus), con un total de 21 deputaus. O motivo yera la presencia en o Parlamento d'un seteno partiu, Euskal Herria Bildu, que heba obteniu 9 deputaus, completando asinas os 50 parlamentarios que composan a cambra.
En ixas condicions, si Euskal Herria Bildu decidiba votar en contra de todas dos posibles combinacions, se plegaría en una situación de bloqueyo, en no estar posible que garra d'os dos bloques parlamentarios conseguise una mayoría simpla y encara menos una mayoría absoluta. En estar imposible que se venise a plego con o bloque de dreitas, a sola posibilidat yera una negociación d'o bloque de cuchas con EH-Bildu, parando cuenta amás que ixe partiu ya teneba un acuerdo en o Congreso d'os Deputaus con o Partido Socialista Obrero Español, habendo votau favorablement a investidura de Pedro Sánchez como president d'o Gubierno d'Espanya.
Finalment, o 14 d'agosto se celebró la primera sesión d'investidura con María Chivite Navascués como candidata a la presidencia, a on se requeriba mayoría absoluta d'os votos d'a cambra. En a votación, a candidata recibió 21 votos a favor (11 d'o Partido Socialista de Navarra, 7 de Geroa Bai y 3 de Contigo Navarra-Zurekin Nafarroa), 20 votos en contra (15 d'Unión del Pueblo Navarro, 3 d'o Partido Popular de Navarra y 2 de Vox) y se producioron 9 abstencions (os 9 deputaus d'Euskal Herria Bildu). En consecuencia, la cambra refusó la suya investidura y se convocó una nueva sesión ta lo día siguient.
O 15 d'agosto se celebró la segunda sesión d'investidura en o Parlamento, requerindo-se en ista ocasión nomás que mayoría simpla, y los siet partius tornoron a votar exactament en o mesmo sentiu que en a sesión anterior, con a cual cosa fue invesitida la candidata María Chivite Navascués como presidenta, con 21 votos a favor, 20 en contra y 9 abstencions.
A formación d'o nuevo Gubierno se publicó lo 18 d'agosto, como un gubierno de coalición entre los tres partius que heban votau favorablement a investidura de Chivite.
Estructura y composición
editar
| |
| Del Burgo I (1979-1980) | Arza (1980-1984) | Del Burgo II (1984-1984) | Urralburu I (1984-1987) | Urralburu II (1987-1991) | Alli (1991-1995) | Otano (1995-1996) | Sanz I (1996-1999) | Sanz II (1999-2003) | Sanz III (2003-2007) | Sanz IV (2007-2011) | Barcina (2011-2015) | Barkos (2015-2019) | Chivite I (2019-2023) | Chivite II (dende 2023) | |
Datos: Q121639229
