Salut

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Salut (d'o latín "salus, -ūtis") ye o estato de completo bienestar fisico, mental y social, y no nomás l'ausencia de infeccions u malautías, seguntes a definición d'a Organización Mundial d'a Salut realizata en a suya constitución de 1946. Tamién puet definir-se como lo ran d'eficacia funcional u metabolica d'un organismo tanto a ran micro (celular) como macro (social). En 1992 un investigador anyadió a la definición d'a OMS: "y en harmonía con o medio ambient", enamplando asinas o concepto.

"A salut se mesura por o shock que una persona pueda recibir sin comprometer o suyo sistema de vida. Asinas, o sistema de vida se converte en criterio de salut. "una persona sana ye aquella que puet vivir os suyos suenios no confesatos plenament"...

Moshé Feldenkrais

"A salut ye prencipalment una mida d'a capacidat de cada persona de fer u convertir-se en lo que quiere estar."...

René Dubos

A forma fisica, ye a capacidat que tien o cuerpo ta realizar cualsiquier tipo de exercicio a on que s'amuestra que tien resistencia, fuerza, achilidat, habilidat, subordinación, coordinación y flexibilidat.

Existe tamién a salut mental, a cual se caracteriza por o equilibrato estato psiquico d'una persona y a suya autoaceptación (gracias a l'autoaprendizache y autoconoiximiento); en parolas clinicas, ye l'ausencia de cualsiquier tipo de malautía mental.

Ditos y mazadas

• pa poca salut mas vale morir.

Vinclos externos

• (es) Pachina web d'a OMS (Organización Mundial de la Salud).
• (es) Departamento de salut, benestar social y familia d'o Gubierno d'Aragón.

• Datos: Q12147
• Multimedia: Health / Q12147