Salmos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Libro d'os Salmos (en hebreu תְּהִילִים, Tehilim, "Alabanzas") ye un libro de poesía relichiosa hebrea que fa parte d'o Tanakh hebreu y de l'Antigo Testamento cristiano. Ye drento d'os libros sapiencials. Tamién ye conoixito como Alabanzas u Salterio. Se troba entre o libro de Chob y o libro d'os Proverbios.

Mensache

O salmo 54 (Musée Condé, Chantilly).

Ye dificil fer una descripción d'o contenito d'os Salmos. Se puet veyer como un libro d'amostranzas y a evolución d'a experiencia relichiosa d'o pueblo d'Israel. Feban servir bels salmos ta pelegrinaches y atras actividaz liturchicas.

Temas doctrinals

Dios ye o prencipal receptor de toz os salmos, sobre tot d'os himnos. Ye un Dios gran, omnipotent y transcendent. S'afirma o monoteísmo y a superioridat de Dios frent a os idolos. Se i charra d'o poder de Dios en a creyación y en a historia. Dios ye qui fa chusticia y ye un dios fidel y o suyo amor ye ta cutio.

Tamién bi ha expresions d'odio enta os enemigos:

Desperta ta castigar a todas as chents, no tiengas piedat d'os que obran con perfidia. [...] No los acotoles, ta que o mío pueblo se'n oblide; fe-los caminar como vagamundos por o tuyo poder y abate-los, ¡o, Sinyor, escudo nuestro! [...] Acaba-los en a tuya furor, acaba-los y deixen d'estar, y sepan que bi ha un Dios que domina en Chacó

Sal 59, 6.12.14

Se veigan as imáchens de Commons sobre Psalters.

Datos: Q41064
Multimedia: Psalms / Q41064