Saco embrional
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O saco embrional ye un gametofito feminín present adintro d'a nucela de l'ovulo d'as plantas con simient, estando diferent en as chimnospermas y as anchiospermas. En a nucela una sola célula sufre meiosi y orichina cuatre celulas haploides ditas megasporas, d'as que unicament se'n desembolicará una por succesivas mitosis orichinando o saco embrional, dechenerando as atras tres megasporas.
En as chimnospermas o saco embrional presenta arquegonios con oosferas u ovocelulas haploides. En as anchiospermas ye mes complexo y presenta una ovocelula haploide acompanyata de dos celulas sinerchidas, tres celulas antipodas haploides y dos nuclios polars que constituyen una unidat diploide, tot producto de tres mitosis succesivas a partir d'a megaspora que no dechenera. Este gametofito presenta estas estructuras para poder permitir a doble fecundación propia d'as anchiospermas, en a que una celula espermatica d'o tubo polinico fecunda a la ovocelula, pa orichinar l'embrión y atra celula espermatica a los nuclios polars, pa orichinar endosperma.
Bibliografía
editarAguilella, Antoni y Puche, Felisa. Diccionari de botanica. Colecció: Educació (sèrie materials). Publicacions d'a Universitat de Valencia, 2004. ISBN 9788437059150.
Datos: Q2719568
