Rosie Reyes
Rosie Reyes 
| ||
|---|---|---|
| Información personal | ||
| Naixencia | 23 de marzo de 1939 Ciudat de Mexico (Mexico)
| |
| Muerte | 4 de chinero de 2024 Ciudat de Mexico (Mexico)
| |
| Altaria | 1,62 m. | |
| Esporte | Tenis | |
| Man | Dreita | |
| Chuegos Olimpicos | ||
| Oro | Mexico 1968 | Dobles (exhibición) |
| Archent | Mexico 1968 | Dobles (demostración) |
| Bronce | Mexico 1968 | Dobles mixtos (exhibición) |
| Títols | ||
| Roland Garros: 1958 (dobles) | ||
Rosa María Reyes Delgado, conoixida esportivament como Rosie Reyes, Pajarita Reyes u Rosie Darmon, naixida de Ciudat de Mexico (Mexico) lo 23 de marzo de 1939 y muerta en ixa mesma capital o 4 de chinero de 2024,[1] estió una chugadora de tenis mexicana, activa en o mundo d'o tenis dende finals d'os anyos 1950 dica finals d'os anyos 1970.
Partecipó en os Chuegos Olimpicos de Mexico 1968 en dobles y dobles mixtos, estando lo tenis en ixa edición un esporte de demostración, ganando-ie una medalla d'oro, una d'archent y una atra de bronce. Tamién ganó un títol de Grand Slam, o Torneyo de Roland Garros de 1958 en a modalidat de dobles, chunto con Yolanda Ramírez, estando las primeras mexicanas en ganar un títol de Grand Slam, y tamién plegó en semifinals en l'Open d'Australia en 1965 y tres vegadas en o Torneyo de Wimbledon, en 1957, 1958 y 1959.
En 1960 casó con o tenista francés Pierre Darmon, con qui formó parella en cuantos partius en dobles, y dimpués d'a suya voda obtenió la nacionalidat francesa.
Carrera esportiva
editarChuegos Olimpicos
editarRosie Reyes partecipó en os Chuegos Olimpicos de Mexico 1968 en as modalidaz de dobles y dobles mixtos, estando en ixa edición o tenis encara un esporte de demostración, ganando-ne-ie una medalla d'oro, una d'archent y una atra de bronce (ista zaguera formando parella con su mariu, Pierre Darmon).
Torneyos de Grand Slam
editarTorneyo de Roland Garros
editarEn o Torneyo de Roland Garros, Rosie Reyes participó en a edición de 1958 en a modalidat de dobles, fendo parella con a tamién mexicana Yolanda Ramírez, estando asinas as primeras mexicanas en ganar un títol de Grand Slam.
En a edición de 1974 plegó dica semifinals en a modalidat de dobles, fendo parella con o mexicano Marcelo Lara.
Tamién participó en dobles (siempre con Yolanda Ramírez) en as edicions de 1957 (eliminadas por Shirley Bloomer y Darlene Hard) y 1959 (eliminadas por Sandra Reynolds y Renée Schuurman).
Torneyo de Wimbledon
editarEn o Torneyo de Wimbledon partecipó en tres edicions, en 1957, 1958 y 1959, plegando en todas tres a semifinals, fendo parella con Yolanda Ramírez.
Referencias
editar- ↑ (es) Falleció a los 84 años Rosa María Reyes, leyenda del tenis mexicano, en La Jornada, 5 de chinero de 2024.
| Torneyo de Roland Garros | ||
|---|---|---|
Predecesor:.svg){kind=small} Shirley Bloomer Darlene Hard
|
Campiona en Dobles, con Yolanda Ramírez 1958
|
Succesor:.svg){kind=small} Sandra Reynolds Renée Schuurman
|
Datos: Q454179
