Renda Activa d'Inserción

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Renda Activa d'Inserción ye un programa social chestionau por o SEPE, (Servicio Publico d'Emplego Estatal), que consiste en una prestación economica condicionada a o cumplimiento d'uns acuerdos firmaus por o perceptor, chunto con accions de refirme y d'inserción social. A caracteristica d'a RAI, ye a suya compatibilidat con o treballo en un periodo de tiempo.

A finalidat d'a RAI ye facilitar a inserción laboral y l'aduya a trobar troballo a os demandants de troballo inscritos a l'arreu en o INAEM durant doce u mas meses, en situación de necesidat y con una edat de mas de 45 anyos. A nueva regulación d'esta prestación (replegada en o RD 1369/2006) introduce cualques modificacions ta lograr una politica mas eficaz debant de o paro, que no debe basar-se nomás en la garantía d'ingresos sino en a combinación de diners a o perceptor chunto con mesuras d'inserción laboral asprés, o RD Ley 20/2012, establix cualques modificacions en cuanto a requisitos y obligacions, quedando hue configurada de la forma que ye de contino:

O programa va endrezau a os aturaus con especials necesidaz económicas y dificultat ta trobar bel troballo. Consiste en una prestación de o 80% de l'IPREM, chunto con politicas activas d'emplego, vinclando l'aduya a fer programas d'inserción por os beneficiarios, a traviés de tutoría personalizada, desarrollo d'un itinerario u cursa d'inserción y un plan personal d'inserción, chunto con actividaz formativas y a incorporación a actividaz de voluntariau. A suya durada ye de 11 meses. En o caso d'as victimas d'a violencia casaza, amás una indemnización d'una vez de 3 mensualidaz por cambio d'adreza, acreditau adintro de os 12 meses d'antes.

Requisitos chenerals d'a RAI

Os requisitos chenerals son:

• Chent de mas de 45 anyos
• Estar inscrito mas d'un anyo en o INAEM y mirar de forma activa troballo sin refusar garra oferta que seiga asprés
• No tener dreito a prestacions u subsidios de desemplego
• Carencia de rendas: no tener rendas que puyen de o 75% del SMI per capita (excluidas pagas extras)
• No haber disfrutado a RAI en l'anyo de d'antes, ni haberse beneficiado de tres programas de RAI
• Haber rematau o extinguiu una prestación u un subsidio de desemplego

También pueden beneficiar-se'n os menors de 65 que tiengan belún d'estos requisitos:

• Discapacitaus con o 33% u mas de discapacidat reconoixida (no importa edat pero si os atros requisitos)
• Victimas de a violencia casaza (no importa edat ni s'exiche l'anyo d'inscripción, pero si os atros requisitos) (tamién abraca a conyuche u apaixiu, pai, mai, u fillos)
• Emigrants retornaus que tiengan os requisitos y acrediten lo menos 6 meses troballaus. (deben reunir os cuatro requisitos fueras d'estar inscritos mas de un anyo)

As obligacions de os usuarios son:

• Participar en os programas d'emplego y en as accions d'inserción
• Suscribir un compromiso d'actividat u acuerdo de inserción que les embreca y condiciona a prestación
• Acceptar colocacions y no refusar ofertas
• Acreditar debant d'o INAEM actuacions de mirar troballo de forma activa
• Proporcionar a documentación e información que le seiga demandada
• Renovar a demanda en a forma y fecha que calga fer-lo
• Presentarse a cubrir as ofertas de troballo y tornar en cinco días os chustificants d'haber-ie acudiu.
• Tornar os chanfles cobraus de forma indebida
• Proporcionar os datos de l'adreza y si no queda garantizada a comunicación, facilitar datos ta una comunicación con os SEPE por meyos electronicos

A peculiaridat ye en as aduyas ta incentivar o troballo, mientras os perceptors de a RAI fan un troballo por cuenta d'otri, u por cuenta propia, cobrarán de vez un 25% de a RAI durant 6 meses, sin rebaixar a duración de a RAI que le quedase por cobrar encara.