Rafael Azcona

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Rafael Azcona
O guionista riochán Rafael Azcona en 2006 mientres un curso en a Universidat d'a Riocha.
Información personal
Nombre real	Rafael Azcona Fernández
Calendata naiximiento:	24 d'octubre de 1926
Puesto naiximiento:	Logronyo (A Riocha)
Calendata muerte:	24 de marzo de 2008
Puesto muerte:	Madrit (Espanya)
Ocupación:	Guionista
Premios Goya
Premio Goya d'Honor -1997
Premio Nacional de Cinematografía:
-1982: Premio Nacional de Cinematografía

Rafael Azcona Fernández, naixito de Logronyo (A Riocha) o 24 d'octubre de 1926 y muerto en Madrit (Espanya) o 24 de marzo de 2008 por un cáncer de pulmón, estió un destacato guionista espanyol, activo en o cine espanyol dende zaguerías d'os anyos 1950 y con quantos premios recibitos mientres a suya carrera cinematografica.

D'entre a suya ampla filmografía, se puet mencionar bell unos d'os suyos guions en bellas cintas como El pisito (1959, Marco Ferreri y Isidoro M. Ferry), Plácido (1961, Luis García Berlanga), El verdugo (1963, Luis García Berlanga), La grande bouffe (1973, Marco Ferreri), Un hombre llamado Flor de Otoño (1978, Pedro Olea), La escopeta nacional (1977, Luis García Berlanga) Patrimonio nacional (1981, Luis García Berlanga) Nacional III (1982, Luis García Berlanga) La Corte de Faraón (1985, José Luis García Sánchez), La vaquilla (1985, Luis García Berlanga), El bosque animado (1987, José Luis Cuerda), ¡Ay, Carmela! (1990, Carlos Saura), Belle Époque (1992, Fernando Trueba), Tirano Banderas (1993, José Luis García Sánchez), La niña de tus ojos (1998, Fernando Trueba), La lengua de las mariposas (1999, José Luis Cuerda), u Los girasoles ciegos (2008, José Luis Cuerda).

Premios

Rafael Azcona recibió un Premio Nacional de Cinematografía en 1982 y o Premio Goya d'Honor en a suya 12a edición en 1997 por a suya labor cinematografica.

Vinclos externos

• (en) Rafael Azcona en IMDb.