Río Nícher
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Nícher Niger | |
|---|---|
 En pasando por Segou (Mali) | |
Administración
| |
| Estaus |  Guinea Mali Nícher Benín Nicheria
|
| Territorios | |
Cheografía
| |
| Longaria | 4.184 km |
| Altaria d'o naixedero | - m |
| Naixedero | Guinea |
| Desembocadura | Oceano Atlantico |
Hidrolochía
| |
| Superficie d'a cuenca | 2.261.763 km² |
| Cabal meyano | 6.000 m³/s |
Mapa
| |
 | |
O Nícher ye un río d'Africa occidental, o tercero d'o continent por a suya longaria dimpués d'o Nilo y d'o río Congo.[1]
O suyo nombre actual viene d'o latín "negro" (por a color de l'augua u d'os habitants d'os países que trescruza) u encara d'una locución tuareg gher n gheren (río d'os ríos). Tien diferents nombres locals como Jeliba, Joliba o Dhioliba (mandinga), u Isa Ber (songhai).
Cheografía
editarO río Nícher naixe amán d'os monts de Loma, en a muga de Sierra Leone y de Guinea. Prene una dirección nord-este, travesando Guinea y o sud de Mali, a on que banya Bamako, Timbuktú y Gao. Entre KéMacina ei Timbuktú s'estendilla por una ampla plana inundata de cuasi 40.000 km² en a suya mayor amplaria, que se diz o delta interior, y a on que o suyo cabal se reduce d'un 25% a un 50%, principalment por evaporación. Dimpués se bifurca enta o sudeste, trescruza l'ueste de Nícher, con a suya capital Niamey, dimpués s'endreza enta Nicheria a on s'orienta cada vegata mas dica o sud, dica la suya desembocadura. En Lokoja reculle por a marguin ezquierda las auguas d'o suyo principal afluent, o Bénoué, procedent de Camerún, que duplica o suyo cabal antis de plegar a lo delta maritimo; desemboca en l'Atlantico en Port Harcourt, dimpués d'un viache de 4.184 km.
O suyo recorrito, una mica raro, ha feito que o Nícher, mientres muitos tiempos, haiga estato un enigma ta os cheografos, y por ixo a sobén s'han feito hipotesis mui fantasiosas. Belunas lo trafucaban con o río Senegal u con o Congo, atras en feban una branca d'o Nilo u lo consideraban un rio afluent d'un laco interior. Habió que asperar dica 1830 con a expedición de Richard Lander ta conoixer a verdat.
O río Nícher fa parti d'os ríos, como lo Senegal, que dende os anyos 1980 han estato o centro d'intrés debito a lo creiximiento d'a sequera. L'Autoridat d'a Cuenca d'o Nícher (ABN), organismo de cooperación internacional entre nueu países a on que se troba la dita cuenca, y a creyación d'a Oficina d'o Nícher (1932), veilan porque o río aduye tanto a lo desembolique agrícola como en a producción d'enerchía electrica. A disposición de diversos entibos, d'os que o Sélingué en ye o principal, tien a misión d'aportar enerchía electrica y augmentar a producción cerialista, con un incremento d'a superficie de cautivo de roz en bels países africanos.
Afluents
editar
O curso d'o río puet dividir-se en cuatre seccions:
|
|
|
Referencias
editar- ↑ (en) Jean-Claude Corbell, Ariane Archambault: The Visual Dictionary of Universe & Earth, QA International, 2009, ISBN 978-2-7644-0884-1, p.62
Vinclos externos
editar
Se veigan as imáchens de Commons sobre Río Nícher.- (fr)"O Nícher", en L'augua y o dreito internacional: bibliografía selectiva (Bibliothèque du Palais de la Paix)
- (en) Fabio Spadi (2005), "The ICJ Judgment in the Benin-Niger Border Dispute: the interplay of titles and ‘effectivités’ under the uti possidetis juris principle", Leiden Journal of International Law 18: 777-794
Datos: Q3542- Multimedia: Niger River / Q3542
