Qu'est-ce qu'on a fait au Bon Dieu?
Qu'est-ce qu'on a fait au Bon Dieu? (títol orichinal en francés, en aragonés Qué li hemos feito a lo Buen Dios?, enguerada en Aragón con o títol en castellano de Dios mío, ¿pero qué te hemos hecho?, en aragonés Dios mío, pero cual cosa t'hemos feito?) ye una cinta de l'anyo 2014 de cine francés de cine de comedia dirichida por Philippe de Chauveron seguntes un guión orichinal d'él mesmo y de Guy Laurent, con una banda sonora orichinal de Marc Chouarain, una dirección de fotografía de Vincent Mathias y una producción cinematografica de Romain Rojtman ta la productora cinematografica Les films du 24, y que conta con un elenco d'actors d'o cual en fan parte, en os suyos papels principals, Christian Clavier, Chantal Lauby, Medi Sadoun, Ary Abittan, Frédéric Chau, Noom Diawara, Pascal N'Zonzi, Salimata Kamate, Tatiana Rojo, Frédérique Bel, Julia Piaton, Émilie Caen, Élodie Fontan y Élie Semoun.
Qu'est-ce qu'on a fait au Bon Dieu? se centra en a vida d'a familia Vernueil, una familia francesa bien normal, con cuatre fillas, una casada con un arabe descendient d'alcherians, una con un chodigo, una con un chinés y la zaguera, soltera, bien amán de fer a suya voda con un africano de Costa de Vori. Ye una cinta con a-saber-lo d'exito dende lo suyo enguero, a on s'amuestran en clau de comedia os chicoz problemas d'una familia tan diversa. A cinta s'ambienta en Indre y Loira y París en a suya epoca actual (2014) y las suyas escenas se filmoron en o castiello de Chinon y atros puestos en Chinon (Indre y Loira), en Sena-Sant Denís, en Saint-Maur-des-Fossés en Val d'o Marne, en Altos d'o Sena, en Meudon en Isla de Francia, en Normandía y en París en Francia y en Abidjan (Costa de Vori).[2]
Se tracta d'una cinta que, amás d'o suyo exito de publico, tamién ha teniu una destacada acullida por parte d'a critica especializada y que d'atra man tamién ha recibiu cuantos premios y ominacions, en destacando una nominación en os Premios d'o Cine Europeu en a suya 28ena edición y una nominación a los Premios Goya en a suya 29ena edición (en iste caso, a la Millor Cinta Europea). Tanimientres, a cinta tenió problemas en Estaus Unius, en considerar-la en ixe país como "racista" en amostrar en situacions de comedia a minorías etnicas como chidigos, negros u arabes. Por o suyo exito en Europa, a cinta estió la primera d'una serie de tres cintas, completada con Qu'est-ce qu'on a encore fait au Bon Dieu? (2019) y Qu'est-ce qu'on a tous fait au Bon Dieu? (2021), todas tres dirichidas por Philippe de Chauveron.
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
Vinclos externos editar
Se veigan as imáchens de Commons sobre Qu'est-ce qu'on a fait au Bon Dieu?.- (en) Qu'est-ce qu'on a fait au Bon Dieu? en Internet Movie Database.
- (es) Qu'est-ce qu'on a fait au Bon Dieu? en FilmAffinity.
- (fr) Qu'est-ce qu'on a fait au Bon Dieu? en Allociné.
- (en) Qu'est-ce qu'on a fait au Bon Dieu? en Rotten Tomatoes.
- (en) Qu'est-ce qu'on a fait au Bon Dieu? en Letterboxd.
- (en) Qu'est-ce qu'on a fait au Bon Dieu? en AllMovie.
