Premios Nacionals d'o Esporte (Espanya)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Os Premios Nacionals d'o Esporte (en castellano y oficialment: Premios Nacionales del Deporte) son un conchunto de premios atorgaus anualment por o Consello Superior d'Esportes d'Espanya.
Esferencían a os esportistas, federacions, clubs, asociacions y demás entidaz que han destacau por a suya excelencia y promoción d'o esporte. Agrupan diferents categorías y s'entregan diferents trofeus entre os cuals destaca lo de millor esportista espanyol de l'anyo, en categoría masculina y femenina.
Categorías editar
Os premios establitos son os siguients[1]:
- Premio Rei Felipe: pa premiar a lo esportista espanyol que mas s'haiga diferenciau entre l'anyo en a suya actuación esportiva, tanto a livel nacional como internacional.
- Premio Reina Letizia: pa premiar a la esportista espanyola que mas s'haiga diferenciau entre l'anyo en a suya actuación esportiva, tanto a livel nacional como internacional.
- Premio Rei Chuan-Carlos: pa premiar a lo esportista masculino u femenino que por os resultaus obtenius entre l'anyo aiga suponiu a revelación mas significativa d'o panorama esportivo.
- Premio Reina Sofía: pa premiar a la persona u entidat que mas aiga destacau entre l'anyo por un chesto especialment relevant de nobleza u chuego limpio en a practica esportiva, u que aiga amprau una contribución especial a la erradicación d'a violencia en l'esporte.
- Premio Princesa Leonor: pa premiar a o esportista menor de 18 anyos, que mas aiga destacau entre l'anyo por a suya progresión esportiva.
- Premio Infanta Sofía: pa premiar a la persona u entidat que por a suya propia actuación esportiva u por o fomento de l'actividat d'atros aiga destacau especialment en a difusión y millora de l'actividat esportiva entre os discapacitaus fisicos, psiquicos u sensorials.
- Trofeu Comunidat Iberoamericana: pa premiar a lo esportista iberoamericano que mas aiga destacau entre l'anyo en as suyas actividaz esportivas internacionals.
- Copa Barón de Güell: pa premiar a equipes u seleccions nacionals que mas aigan destacau por a suya actuación esportiva entre l'anyo.
- Copa Stadium: pa premiar a la persona u entidat que aiga destacau por a suya especial contribución entre l'anyo a fayenas de promoción y fomento de l'esporte.
- Premio Consello Superior d'Esportes: pa premiar a la Entidat Local Espanyola que mas aiga destacau entre l'anyo por as suyas iniciativas pa lo fomento d'o esporte, sía en a promoción y organización d'actividaz, u bien en a dotación d'instalacions esportivas.
- Trofeu Joaquín Blume: pa premiar a la Universidat u Centro Escolar que s'haiga diferenciau especialment entre l'anyo por a suya labor de promoción y fomento de l'esporte.
- Premio Nacional a las Artes y as Ciencias Aplicatas a l'Esporte: pa premiar a lo profesional que en l'exercicio d'a suya actividat aiga destacau por una obra u aiga contribuiu a empentar u difundir l'actividat fisico-esportiva de forma singular u a lo largo d'a suya vida profesional.
- Premio Nacional Francisco Fernández Ochoa: pa premiar a trayectoria d'una vida entregada, de manera notoria, a la practica, organización, adreza, promoción y desembolique de l'esporte.