Apoticario
O apoticario[1] u boticario[1] (apoticaria u boticaria si ye muller, d'o griego a traviés d'o latín apot[h]ecarius) u farmaceutico[1] ye un profesional d'as ciencias d'a salut que exerce a farmacia y ye un gran conoixedor d'as merecinas, asinas como d'os efectos que puet tener istas en o cuerpo humán y as propiedaz quimicas y biolochicas d'a merecina y d'o cuerpo a on actúa.
O feito de que en a carrera de farmacia bi haiga gran cantidat de disciplinas, fa que un apoticario siga un profesional versatil y multidisciplinario, dende os campos d'a farmacolochía u a quimica, dica campos como a botanica, a medicina u a chenetica. Un apoticario no ye nomás un propietario u treballador en una apotica que dispensa merecinas, tamién pueden treballar en o campo d'a investigación biomedica, en a industria cosmetica, en analisis clinicos y d'auguas, en un hespital como apoticario hespitalario u como especialista de diagnostico microbiolochico, bioquimico u immunolochico (FIR), colaborando en l'administración publica en o control de l'uso de merecinas (salut publica) u en a industria farmaceutica u quimica ocupando a dirección tecnica d'un laboratorio farmaceutico u d'una distribuidora de merecinas, etc.
Referencias
editar- ↑ 1,0 1,1 1,2 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Se veiga tamién
editar
Datos: Q105186
Multimedia: Pharmacists / Q105186
