Posición de skate
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A posición de skate (en anglés footedness) ye a preferencia ta meter debant o piet dreito u ezquierdo en esportes de tabla como o skate, surf u o snowboard y as suyas variants. En os esportes de tabla o esportista s'ha de meter sobre ista de traza que o movimiento se faiga enta un d'os suyos laterals. Ta ixo un piet, o dreito u o ezquierdo, ha d'ir en a parti debantera y l'atro en a zaguera d'a tabla. A mayoría de esportistas troban una d'istas dos posicions mas fácil de realizar que l'atra.
Regular y goofy
editar
Un esportista ye regular cuan mete debant o piet ezquierdo en o skate, a tabla de snowboard o a tabla de surf. Se diz regular porque ista ye a posición mas habitual, ye decir a posición que fa servir a mayoría d'a chent que practica istos esportes. A posición contraria ye liderar con o piet dreito, ye decir meter-lo debant, en iste caso o esportista ye goofy. Encara que por un regular un esportista que practica mas d'un esporte de tabla gosa emplegar en toz o mesmo piet ta dirichir a tabla, no ye guaire raro que una persona sía regular en un esporte y goofy en un atro.
Trobar a posición correcta
editarBi ha diferents trazas de determinar si una persona ye goofy u regular. O mas normal ye imachinar que se ye eslizando lateralment por una superficie chelata y pensar en que piet se metería debant en iste caso. Atro truco ye zarrar os uellos y fer que un atra persona nos meta un empentón por dezaga, o movimiento reflexo será mover un piet ta debant ta conservar o equilibrio, en iste caso ixe ye o piet que habrá d'ir debant en a tabla. Atra alternativa pareixita ye mirar de brincar enta un escalón alto, o piet que metamos debant en o brinco será o piet que determine a nuestra posición sobre a tabla.
En cualsiquier caso a posición sobre a tabla ye mas que mas intuitiva; por lo que ye normal que un esportista novenzano pueda probar as dos posicions mientres un periodo de tiempo y dimpués trigar la que le pareixca mas comoda.
Atras variants en a posición
editar.jpg)
Tamién ye posible que un esportista emplegue puntualment a posición contraria a la que fa servir por un regular fendo un cambeo de posición u switch. Cambear de posición fa que toz os movimientos y chiros tiengan un grau mas de dificultat, encara que a vegatas puet estar necesario, mas que mas en esportes en os que fan trucos con a tabla. Muitos profesionals consiguen estar cuasi ambidiestros sobre a tabla, encara que no ye guaire fácil.
Si o esportista se desplaza a o revés, ye decir con o piet debantero dezaga y o piet zaguero debant se diz que ye en posición de fakie (en falso literalment). En snowboard, ta minimizar a dificultat d'o cambeo de posición, bels snowboarders adoptan una posición de duck (literalment de pato), regulando as fixacions d'a tabla ta que un piet s'oriente enta una posición diferent con as puntas enta difuera, asinas en desplazar-se siempre bi ha un piet que ye orientato enta debant.
En skate, si o piet que va en a parte meya d'a tabla se mueve enta a parti debantera y o piet de dezaga enta o meyo se diz que se fa un nollie. Isto se gosa fer mas que mas ta fer trucos, pero no ta desplazar-se. O normal en iste esporte ye desplazar-se con o piet debantero sobre a tabla y pillar velocidat con o piet zaguero (se fa igual en o snowboard cuan cal mover-se por una plana), manimenos si se fa d'o revés, pillando a velocidat con o piet debantero y mantenendo o zaguero en a tabla se diz se ye fendo pushing mongo. Ista posición no ye guaire común ya que s'ha de fer un movimiento prou raro con l'anca.
Competicions
editarBi ha competicions como a "etnies GvR" en a que se fan prebas entre skaters regular y skaters goofy.[1]
Referencias
editar- ↑ (en) Etnies GvR
Datos: Q3574113
