Polemica d'a ciencia espanyola
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A polemica d'a ciencia espanyola ye o nombre que recibe a polemica intelectual que se produció en Espanya dende l'anyo 1876, en o comienzo d'a Restauración, a la calor d'o escandalo que suposó a privación d'as suyas catedras a os profesors (a mayor parte d'éls republicanos u identificaus con o sexenio democratico recient acabau) que se negaban a o churamento obligatorio de no amostrar doctrinas contrarias a la catolica, por entender-lo contrario a la libertat de catedra (1875). Intervinioron entre atros, por o costau modernizador intelectuals proximos a o krausismo y a la recientment creyada Institución Libre d'Amostranza, como Gumersindo de Azcárate, que proposaba que a Inquisición, en haber afogau por completo a libertat, yera la causa que entre tres sieglos Espanya hese dau a espalda a o desplegue prodichioso d'a filosofía y as ciencias modernas,[1] o reaccionario, Gumersindo Laverde[2] y Marcelino Menéndez y Pelayo (La ciencia española, versión definitiva de 1887[3]), que exhibiban una ampla nomina d'autors ta contrimostrar que o mantenimiento d'a pureza d'a fe catolica no heba impediu o desembolique d'una ciencia autoctona.
Ha estau estudiada, entre atros, por José Ortega y Gasset (que cita a obra de Menéndez Pelayo d'a siguient traza: Antes de su libro entrevíase ya que en España no había habido ciencia; luego de publicado se vio paladinamente que jamás la había habido)[4] y Pedro Laín Entralgo, que la consideró una d'as fitas fundamentals d'o debat mas cheneral sobre o Estar d'Espanya en a suya obra Espanya como problema.
Referencias
editar- ↑ Anuario del Centro Virtual Cervantes
- ↑ Gustavo Bueno Sánchez: Gumersindo Laverde y la Historia de la Filosofía Española, en El Basilisco, 2ª época, nº 5, 1990, páginas 49-85
- ↑ El texto en centro virtual Cervantes.
- ↑ Anuario CVC, op. cit.
Vinclos externos
editar- La polémica de la Ciencia Española (1970). Por Ernesto y Enrique García Camarero
- La polémica de la "ciencia española": ¿una cuestión pendiente? (2003). Por Ernesto García Camarero
- La polémica de la cienca española (1876-1877) ¿Un debate ideológico acerca de las dos Españas? . Por Eusebio Fernández García
- [1][Ernesto Garcia Camarero]
Datos: Q6082159
