Benedet XIII d'Avinyón
| Benedet XIII | |
|---|---|
| Papa d'Avinyón | |
 | |
| 28 de setiembre de 1394 - 1417 Antipapa dende 1423 | |
| Predecesor | Climent VII |
| Succesor | Climent VIII Benedet XIV |
| Nombre real | Pero Martínez de Luna |
| Naixencia | 1328 Illueca (Reino d'Aragón)
|
| Muerte | 1423 Peniscola (Reino de Valencia)
|
.svg) | |
Benedet XIII (en latín Benedictus XIII), de nombre secular Pero Martínez de Luna y Pérez de Gotor[1] (Illueca, Aragón, 25 de noviembre de 1328-Peniscola, Valencia, 23 de mayo de 1423), mas conoixiu con o nombre de Papa Luna, estió papa en a obediencia d'Avinyón y cardenal dende aviento de 1375. A la suya muerte fue succediu por Climent VIII.
Orichen y formación
editarNaixiu d'Illueca, localidat de l'actual provincia de Zaragoza, en o Reino d'Aragón, o 25 de noviembre de 1328, yera miembro d'a familia Luna, un d'os prencipals linaches aragoneses, emparentada con arcebispes y reis. Prencipió a carrera militar, como yera usache entre os segundons d'as casas importants, pero dimpués pasó, como tamién yera habitual, a la ilesia. Estudió leis en a Universidat de Montpeller, en a que dimpués estió profesor de Dreito Canonico.[2]
Carrera eclesiastica
editarRefirmó a Roberto de Chinevra y fue esleito por os cardenals franceses a la muerte de l'antipapa Climent VII, o 28 de setiembre de 1394.
A la muerte d'o papa Urbán VI, en 1389, os cardenals italianos eslioron a Bonifacio IX; por tanto, a elección de Benedet continó o cisma d'a Ilesia Catolica.
A mayor parti d'a Ilesia no reconoixió a Benedet. A Corona d'Aragón estió a que mas fuertement refirma a Benedet, en particular animaus por Sant Vicent Ferrer, que tien o reconoiximiento d'o reino d'Escocia, o reino de Castiella y o reino de Navarra. En 1397, a ilesia francesa, que l'heba refirmau, refusa decantar-se por dengún d'os dos. De feito, en 1398 Benedet estió feito preso en o suyo palacio d'Avinyón. O Concilio de Constanza desemboca en que Benedet XIII s'eslampa ta Peniscola, a on se fació fuerte mientres muitos anyos en o castiello d'a villa.
Benedet, a la fin, abdica en 1417, encara que siempre refusa a elección d'o papa Martín V. Manimenos, Benedet mantenió o reconoiximiento d'o reino d'Escocia, o reino de Castiella, o reino de Navarra y a Corona d'Aragón, dica a suya muerte.
A la fin, bels cardenals creyaus por él le miroron un succesor en a persona de Climent VIII de Peniscola encara que uns atros cardenals nombroron succesor a Benedet XIV.
Tenió un papel muit important mientres l'interregno de 1410-1412 en a Corona d'Aragón refirmando a Ferrando de Trastamara. Estió Benedet XIII qui proposó fer un compromís, que os parlamentos convocoron en Casp en 1412.
En o castiello de Peniscola existe un museu adedicau a la suya historia y a los anyos que pasó en o castiello d'ista villa.
Tanta estió a suya tozoludez que i hai un dito castellano que diz "seguir en sus trece", en referencia a o suyo nombre Benedet XIII.
Referencias
editar- ↑ (it) "Gli antipapi. Storia e segreti. Il grande scisma (1378-1417)". Elena Percivaldi. Newton Compton, Roma, 2014. Pach. 295-325. ISBN 978-88-541-7152-7
- ↑ (es) Pedro de Luna. J. P. Kirsch. Traducción de Josep M. Prunés, O.M. Enciclopedia Catolica, Nueva York, 1910.
Se veiga tamién
editar
|
Predecesor: | Papa d'a linia d'Avinyón | Succesor: | .svg){kind=small}
|
|---|---|---|---|---|
| Climent VII | 1394-1423 | Benedet XIV Climent VIII | ||
Datos: Q310371
Multimedia: Benedictus XIII (antipope) / Q310371
