Penyuela

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una penyuela ye una penya chica, estando lo indicador de la mida lo sufixo -uela. En toponimia se'n fa mención a sobén en pluralia tantum (Las Penyuelas), a diferencia de peniella y penyeta.

Penyuelas mencionadas en textos medievals

Se documenta una "penyuela" en l'arbitrache sobre l'abrevador de La Matiella de Fuents d'Ebro (1341):

...; assi empero que el ganado cada que será a la ribera del río de Ebro puedan correr el agua a suso abrevando daqui a las Penyuelas que son sobre el dito abrevadero por nos asignado dius la Matiella de Fuentes et del dito abrevadero a yuso cabo el dito río daqui a spacio de cient et novanta astas de lanza de largo; pero si en algún tiempo el dito abrevadero se confondía por el río de Ebro o en otra manera, assi que en aquel los ditos ganados puedan buenament abrevar non se pudiessen, que en aquel caso de las ditas Penyuelas en yuso hayan et haber puedan otro abrevadero tan amplo et tan suficient como yes el de suso por nos asignado.

Microtoponimos actuals

Son toponimos actuals formaus con penyuela u penyuelas:

• La Penyuela: en Gallocanta.
• Las Penyuelas: en Bichuesca.
• Las Penyuelas: en Abanto.
• Las Penyuelas: en Aladrén.
• Las Penyuelas: en Alpenyés.
• Las Penyuelas: en Maluenda.
• Penyuelas en L'Aldeyuela de Tiestos.
• Rambla de la Penyuela: en La Puebla de Valverde.