Partiu politico
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Un partiu politico ye una organización politica que tien una ideyolochía determinata y/u representa bel grupo en particular con l'obchectivo de participar en bell tipo d'elección u sufrachio. Tamién se pueden formar arredol d'un tema d'intrés especial. Os partius politicos en una democracia gosan informar a la opinión publica d'os suyos plans y programas politicos. Os partius politicos constituyen unidatz organizativas a la qualas les se reconoixe o dreito de participar en un proceso d'elección politica por meyo d'a presentación de candidatos y programas d'acción u gubierno.
En os sistemas parlamentarios de gubierno, a mayoría d'os partius politicos esliyen un capo (u mas); si o partiu politico obtiene mayoría en as eslecions, o capo d'o partiu esdevién o chefe de gubierno. D'atra man, en os sistemas presidencialistas, o partiu puet trigar a lo suyo capo como candidato, pero, o president esleito, a sobén, ha d'arrenunciar de totas as conexions con o suyo partiu en prencipiar a suya chestión presidencial.
BibliografíaEditar
- (en) Ware, Alan. Political Parties and Party Systems. Oxford: Oxford University Press, 1996. ISBN 0-19-878076-1.
- (en) Sutherland, Keith. The Party's Over. Imprint Academic,2004. ISBN 0-907845-51-7.