Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O termin partida rural, a sobén utilizau simplament en a forma partida cuan o contexto lo permite, ye una superficie de terreno d'una cierta extensión que sirve pa identificar con o mesmo nombre a las tierras que i perteneixen, sin que signifique necesariament una mesma unidat de propiedat.

As partidas suposan una subdivisión administrativa d'o termin municipal, encara que i puet haber partidas que superen l'ambito d'un solo municipio. En istos casos, representan una unidat diferent en cada municipio, manimenos se conoixe con o mesmo nombre encara que i pueda haber a mesma propiedat a os dos cantos d'a muga d'os dos municipios. Apareixen en o catastro rural como un toponimo identificador d'o puesto a on se troba cada parcela.

En un orichen, as partidas rurals no formaban una entidat de población, encara que podese haber-ie edificacions aisladas de cualque tipo. Modernament, manimenos, o doble fenomeno d'a extensión d'as ciudaz y o establimiento de nuevas residencias en zonas rurals u semirurals en a periferia d'as prencipals villas y ciudaz, asinas como a necesidat d'organización administrativa y vecinal d'istas, ha feito que bellas partidas haigan desembolicau entidaz de población equiparables, en bel termin, a os antigos rabals (sería iste o equivalent mas exacto), vicos y barrios.

En iste caso, se distingue d'os atros tipos d'entidaz de población por o feito de que se troba difuera d'o conchunto urbán, pero no forma una unidat de población independient (a sobén ye una serie de casas u terrenos arredol d'una carretera u d'un camín rural important).

Vinclos externos editar