Parque Nacional d'o Gauja
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Parque Nacional d'o Gauja | |
 Foces d'o río Gauja | |
| Tipo | Parque Nacional |
| Establiu | 1973 |
| Superficie | 917.45 km² |
| Situación |  Letonia
|
| Latitut | |
| Lonchitut | |
  | |
O Parque Nacional d'o Gauja (en letón Gaujas nacionālais parks) ye o parque nacional mas gran de Letonia con una superficie de 917.45 km². Se troba situau en a rechión de Livonia a o nord-este de Sigulda y o sudueste de Cēsis a o largo d'a val d'o río Gauja, d'o que o parque prene o suyo nombre.
Fue establiu ta mirar de protecher unas arias naturals licherament alteradas, promover o turismo de naturaleza y guaranziar un desenvolique sostenible d'a zona. O parque nacional se caracteriza por una gran diversidat biolochica, foces de roca y gran variedat de formas de terreno, fuents d'augua, paisaches pintorescos y muitos molimentos historicos y culturals de diferents sieglos. A mayor parti d'o parque nacional, y a mas important, ye l'antiga val d'o río Gauja. A val ye protechida, pero a la vegada se puet emplegar ta un turismo de naturaleza y cultura.
As oficinas d'administración d'o parque se troba en a localidat de Sigulda.
Aria
editarL'aria total d'o parque ye de 91.745 ha y se divide en cinco zonas funcionals. As reservas naturals cubren un aria prou chicota, pero a la vegada valiosa, d'o parque y l'acceso a ellas ye viedau. En a resta d'o territorio se permiten nomás actividaz economicas que no cambeen substancialment a estructura d'o paisache desenvolicada historicament.
As selvas cubren alto u baixo un 47 % d'a suya superficie, cuasi a metat d'o territorio. Bi ha bellas 900 especies de plantas, 149 de muixons y 48 de mamiferos en o parque. Dende 2004 o Parque Nacional d'o Gauja fa parti d'o rete Natura 2000, disenyau ta a conservación d'especies y biotopos protechius.
A historia d'o turismo en o Parque Nacional d'o Gauja tien una luenga tradición. Os primers vesitants yeran senderistas que plegaban a piet ya en o sieglo XIX a traviés de l'aria de Sigulda.[1] Cada anyo milenta vesitants i plegan atrayius por un paisache unico, as grans foces d'o devonián – barrancos de piedra, roca y espelungas, asinas como os molimentos historicos y culturals, que son ligaus con muitas leyendas y historias.
En o parque nacional bi ha mas de 500 molimentos historicos y culturals – fortificacions, castiellos de piedra, ilesias, torres y molins d'augua y viento, asinas como atros molimentos arqueolochicos, arquitectonicos y artisticos.
Referencias
editar- ↑ (en) Gauja National Park
Vinclos externos
editar
Se veigan as imáchens de Commons sobre o Parque Nacional d'o Gauja.- (en) Pachina oficial d'o Parque Nacional
- (lv) Lacu miga. Hotel y restaurant en Līgatne
Datos: Q743754- Multimedia: Gauja National Park / Q743754
