Pantilla

Una pantilla ye un grupo numeroso de personas que s'achunta por diversión, porque tienen aficcions, intereses u ideyas en común. Una pantilla ye un grupo mas numeroso que una colla u una cuadrilla, que ye un grupo chicorrón d'amigos que se veyen de forma habitual.

Una pantilla d'hombres sentaus en una escalera.

En aragonés, y a la contra de como pasa con parolas como «clica» que en aragonés común se ye emplegando d'una forma innocent pero en realidat en a parla viva tiene precisament ixa connotación peyorativa, a parola pantilla no implica asociación pa cometer maldaz ni delitos (castellano pandilla), sino pa pasar uns ratos buenos.

Bels eixemplos d'uso:

Fa anyos que a la romería no i van tantos. Antes sí que nos achuntabanos buena pantilla.

A(go)ra que sez buena pantilla (de) chóvens ya podrez arreglar-tos a Fiesta!

Aquella orquesta yeran una pantilla como no n'i heba unatra en tot Sobrarbe.

Se veiga tamién

• Cuadrilla.
• Colla.
• Clica.
• Caterva.

• Datos: Q31761971