Nuclio celular
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
O nuclio celular ye un organulo celular propio d'as celulas eucariotas con una membrana (membrana nucleyar) embolicando un espacio a on ye a cromatina con l'acido desoxirribonucleico dispersa u condensada en un liquido (nuclioplasma) chunto con o nucliolo. A función d'o nuclio ye dirichir l'actividat d'a celula con a información que contién en o suyo ADN.
Por un regular en una celula bi ha un solo nuclio, pero bi ha celulas con uns quantos nuclios u celulas polinuclears, como as celulas musculars estriadas u bells protozous. Tamién bi ha celulas sin nuclio, como os globulos royos d'a mes gran part d'os mamiferos.
En as celulas animals o nuclio gosa ocupar una posición central; en as celulas vechetals moviu enta os cabos porque o centro ye ocupau por as vacuolas.
Partz d'o nuclioEditar
Las partz d'o nuclio son: membrana nucleyar, nuclioplasma, nucliolo y cromatina.
A membrana nucleyar ye formada por dos membranas, una d'interna y una d'externa conectada con o reticlo endoplasmatico rugoso. Un espacio intermembranoso desparte as dos membranas, que amés son travesadas por poros nucleyars. Os poros nucleyars permiten un intercambio de substancias entre o nuclio y o citoplasma.
O nuclioplasma ye un medio liquido aquoso a on se troban os atros components d'o nuclio. Ye a on se produz a replicación de l'ADN.
O nucliolo ye un corpusclo esferico que no se puet veyer que quan a celula no ye dividindo-se. Intervién en a formación d'os ribosomas.
A cromatina ye formada por filamentos d'ADN asociaus a proteínas. Quan a celula se ye dividindo os filamentos de cromatina se condensan formando cromosomas, pero quan o nuclio no ye dividindo-se (nuclio interfasico), a cromatina ye dispersa.
Vinclos externosEditar
Se veigan as imachens de Commons sobre o nuclio celular.
