Network Address Translation

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O NAT (Network Address Translation - Traducción d'Adreza de Rete) ye un estandar creyato por a Internet Engineering Task Force (IETF) o cual emplega una u mas adrezas IP ta conectar cuantos ordinadors a atro rete (a sobén a Internet), os cuals tienen una adreza IP distinta de raso (d'ordinario una IP no valida d'Internet definita por o RFC 1918). Por ixo, se puede emplegar ta dar salita a rez publicos enta computadors que se troban con reendrezamiento privato u ta protecher maquinas publicas.

Razons d'a creyación y emplego de NAT

Debito a lo creiximiento exponencial d'Internet y a que s'emplegan as adrezas d'o tipo IPv4, que tienen 32 bits ta la asignación d'adrezas, con un maximo de 2³² = 4.294.967.296 adrezas unicas, as adrezas IP son hue mui limitadas. Ta solucionar iste problema se disenyó lo protocolo IPv6 que permite asignar un mayor numero d'adrezas IP, pero ta que iste protocolo siga activo ye menester modificar toda la estructura d'Internet, o cual tardará unos anyos.

Por ixa razón se disenyó NAT, que permite que cualsiquier dispositivo como un router pueda actuar como traductor d'adrezas IP. Asinas nomás con una adreza IP publica pueden conectar-sen a lo rete cuantos dispositivos, por o cual lo NAT s'emplega a ormino en rez locals (LANs) caseras y d'interpresas. Os ISP tamién pueden usar NAT ta aliviar a manca d'adrezas IP ta os usuarios de internet por cordón y ADSL.

Se veiga tamién

Datos: Q11182
Multimedia: Network Address Translation / Q11182