Munia de Castiella
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Munia de Castiella | |
|---|---|
| Reina consort de Navarra y contesa consort d'Aragón | |
| 1011-1035 | |
| Predecesor | Ximena Ferrández |
| Succesor | Estefanía de Foix |
| 1011-1035 | |
| Predecesor | Ximena Ferrández |
| Succesor | Denguna |
| Naixencia | 995 |
| Muerte | 13 de chulio de 1066 u 1067 |
| Conchuche/s | Sancho Garcés III de Navarra |
| Descendencia | Ferrando I de Leyón García Sánchez III de Pamplona Gonzalo I de Ribagorza Ximena Sánchez |
| Pai | Sancho García |
| Mai | Urraca Gómez |
Munia de Castiella (en castellano Muniadona de Castilla u Mumadonna Sánchez, 995-13 de chulio de 1066 u 1067) estió reina consort de Pamplona y contesa consort d'Aragón por o suyo matrimonio con o rei Sancho Garcés III (1011-1035), a os que s'adhibioron os territorios de Ribagorza (1017-1035), y Castilla (1028-1035) ta o suyo fillo Ferrando, por os suyos dreitos dinasticos.
Vida y dreitos dinasticos
editar
Filla d'o conte de Castiella Sancho García y d'a suya muller Urraca Gómez, d'a familia condal Banu Gómez, Munia se casó con o rei Sancho Garcés III de Navarra, dito lo Mayor, arredol de l'anyo 1011.
En 1017, o conte de Ribagorza, Guillén Isarno fue asasinau mientres una expedición a la val d'Arán en la que aspiraban a la succesión d'o conte y d'os suyos territorios tanto Mayor García, filla d'o conte de Castiella García Fernández y d'Ava de Ribagorza y viuda de Remón III de Pallars Chusán, como o rei Sancho Garcés III, que reclamaba os dreitos dinasticos d'a suya muller Munia, nieta d'Ava de Ribagorza y biznieta de Remón II de Ribagorza. En 1017 as tropas navarras invadioron o condau y Sancho prenió os territorios de Guillermo Isarno.
Atra vegada, en 1028, fuoron invocaus os suyos dreitos dinasticos. Dimpués de l'asasinato d'o conte García Sánchez de Castiella —feito por os d'a familia Vela en Leyón—, o rei Sancho lo Mayor tornó a prener o condau, por estar a suya muller Munia chirmana d'o difunto. Manimenos, o suyo fillo Ferrando Sánchez fue designado con o titol condal en 1029.
Descendencia
editarD'o suyo matrimonio con o rey Sancho naixioron os siguients fillos:
- García Sánchez III de Pamplona o de Nachera, rei de Pamplona (c. 1012-1054), esposau con Estefanía de Foix.
- Gonzalo Sánchez (c. 1014-1045), regulo de Sobrarbe y Ribagorza.
- Ferrando Sánchez el Grande (c. 1016–1065), conde de Castilla (1029–1037) y rey de Leyón (1037–1065), esposau con Sancha de Leyón, chirmana d'o rei Bermudo III.
- Bernardo Sánchez de Pamplona.
- Ximena Sánchez (1018-1063) muller d'o rei Bermudo III de Leyón.
Bibliografía
editar- (es) Martínez Diez, Gonzalo (2007), Sancho III el Mayor Rey de Pamplona, Rex Ibericus, Madrid: Marcial Pons Historia. ISBN 978-84-96467-47-7.
- (es) Pérez Celada, Julio A. (1986), Documentación del Monasterio de San Zoilo de Carrión (1047-1300), Ediciones J.M. Garrido Garrido. ISBN 84-86371-09-0.
- (es) Salazar y Acha, Jaime de. (1988) Una hija desconocida de Sancho el Mayor. Revista Príncipe de Viana, Anejo, pp. 183–192. Institución Príncipe de Viana. Pamplona. ISSN 1137-7054
| Predecesora: Ximena Ferrández |
Reina consort de Navarra 1011-1035 |
Succesor: Estefanía de Foix |
| Predecesora: Ximena Ferrández |
Contesa consort d'Aragón 1011-1035 |
Succesor: Denguna |
Datos: Q260831
