Miradors d'o Molar

(Reendrezau dende Mirador d'o Molar)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os miradors d'o Molar son un conchunto de miradors que se troban en a sierra Carquera, sobre a cresta de Diazas, en a muga sud d'o Parque Nacional d'Ordesa y d'as Tres Serols a una altaria de 2.008 metros sobre o livel d'a mar. Administrativament os miradors son situaus en o municipio de Torla-Ordesa.

Envista dende un d'os miradors con Tobacor (ezquierda) y a punta Acuta (dreita) a o fundo
Gollando enta l'ueste con a Susana Mondarruego, o tozal d'o Mallo y a val de Buixaruelo a o fundo

Se i arriba dende Torla a traviés d'o sendero PR HU-129.[1]. Dende os miradors bi ha unas sobrebuenas envistas d'a val d'Ordesa y d'as parez de Mondarruego (2.845 m), o tozal d'o Mallo (2.254 m) y d'os culs de Carriata y Cotatuero. Se i alufran tamién a punta Acuta (2.242 m), punta Tobacor (2.779 m) y mesmo o mallo de Marmorés (3.328 m) y a punta de Treserols (3.355 m) enta l'este; a sierra Tendennera, a punta Mondeniero (2.295 m) y a val de Buixaruelo enta l'ueste y o tozal de Pelopín (2.007 m) y a sierra d'a Monchoya por o sudueste.

Rota editar

Se sale dende a localidat de Torla en o camín que bi ha dezaga l'acceso a o "Camping río Ara" dimpués de pasar o puent sobre o río (976 m d'altaria).

Seguindo os cartels indicadors d'o sendero de chicot recorrito HU-129 plegaremos en os praus de Diazas y a ermita de Santa Ana (1.465 m d'altaria). Dimpués de pasar a ermita se contina por a pista forestal bels metros y torna a prener-se a la ezquierda un sendero por a selva.

Mas alto (1.845 m d'altaria) se torna a la pista ta seguir 300 metros, en plegando a l'acceso a o primer d'os miradors. En iste primer mirador bi ha una senda que s'endreza enta l'ueste a os atros dos, una mica por debaixo d'a cima.

Referencias editar

Vinclos externos editar