Menisterio d'Educación, Cultura y Esporte d'Espanya
| Menisterio d'Educación, Cultura y Esporte d'Espanya Ministerio de Educación, Cultura y Deporte | |
|---|---|
| |
_02.jpg)
| |
| Seu d'o Menisterio | |
| Información d'o Menisterio | |
| Establito | 22 d'aviento de 2011 |
| Reemplaza a | Menisterio d'Educación (2009-2011) Menisterio de Cultura (2004-2011) Presidencia d'o Gubierno (2009-2011) |
| Disolución | 7 de chunio de 2018 |
| Reemplazato por | Menisterio de Cultura y Esporte |
| Churisdicción |  Espanya
|
| Seu | C/ Alcalá, 34. Madrit, Espanya |
| Pachina web | |
| mecd.gob.es | |
O Menisterio d'Educación, Cultura y Esporte (en castellán y oficialment, Ministerio de Educación, Cultura y Deporte) estió o departamento menisterial encargau d'a politica d'educación, cultura y esporte entre o 22 d'aviento de 2011 y o 7 de chunio de 2018.
FuncionsEditar
Correspondía a o Menisterio d'Educación, Cultura y Esporte a propuesta y execución d'a politica d'o Gubierno d'Espanya:
- En materia d'educación, formación profesional y universidatz.
- En materia de promoción, protección y difusión d'o patrimonio historico espanyol, d'os museus estatals y d'as artes, d'o libro, a lectura y a creyación literaria, d'as actividatz cinematograficas y audiovisuals y d'os libros y bibliotecas estatals, y a promoción y difusión d'a cultura en espanyol.
- En materia de propuesta y execución d'a politica d'o Gubierno en materia d'esporte.
TitularsEditar
Ta mas información, se veiga l'articlo prencipal sobre a lista de menistros d'Educación d'Espanya.
- José Ignacio Wert (25 d'aviento de 2011 - 26 de chunio de 2015).
- Íñigo Méndez de Vigo y Montojo (26 de chunio de 2015 - 7 de chunio de 2018).
EstructuraEditar
Iste menisterio s'estructuraba en os siguients organos superiors[1]:
- A Secretaria d'Estato d'Educación, Formación Profesional y Universidatz.
- A Secretaria d'Estato de Cultura.
- A Secretaria d'Estato de Función Publica.
- A Sub-secretaria d'Educación, Cultura y Esporte.
O Consello Superior d'Esportes yera un organismo autonomo perteneixient a o Menisterio d'Educación, Cultura y Esporte; y o suyo President teneba ran de Secretario d'Estato.
Organismos dependientsEditar
Os organismos dependients d'o Menisterios estioron os siguients:
- Biblioteca Nacional d'Espanya.
- Instituto Nacional d'as Artes Scenicas y d'a Mosica.
- Instituto d'a Cinematografía y d'as Artes Audiovisuals.
- Organismo Autonomo de Programas Educativos Europeus.
- Organismo Autonmo de Cherencia d'Infrastructuras y Equipamientos.
- Museu Nacional d'o Prado.
- Museu Nacional Centro d'Arte Reina Sofiya.
- Achencia Estatal Antidopache.
