Abrir menú principal

Meandro de Raniellas

Parque Metropolitán de l'Augua en Raniellas.

Lo Meandro de Raniellas ye un meandro que bi ha en l'Ebro entrando en la ciudat Zaragoza y que da nombre a un puesto de lo termin municipal suyo en lo vico ACTUR - Rei Fernando, de lo districto de la Marguin Ezquierda.

Este puesto de lo termin ye una plana de 150 hectarias que estió tradicionalment una huerta que ya existiba en la Edat Meya, quan se deciba Raniellas[1] en aragonés. Dica fer-se la Expo Zaragoza 2008 bi heba una intresant selva de ribera chusto en la marguin de lo río.

En l'anyo 2008 lo Meandro de Raniellas encomenzó a ser conoixiu quan lo trigó lo Concello de Zaragoza pa fer-ie lo recinto de la Expo Zaragoza 2008 dedicada a l'augua y lo desembolique sostenible y fer-ie unas quantas obras filluelas como lo Parque Metropolitán de l'Augua.

Amés, tien agora tres puents que unen las dos marguins de l'Ebro en la ciudat: Palanca d'el Voluntariato, Pavillón Puent y Puent d'el Tercer Milenio, la Torre de l'Augua (actualment un de los edificios mes alters de Zaragoza) y lo Palacio de Congresos.

Actualment se ye prebando de trobar uso pa los terrenos que ha deixau la Expo dimpués d'haber rematau; pretenden que esdevienga un puesto de concentración d'oficinas.

ReferenciasEditar

  1. (es) Ubieto Arteta, Agustín: Toponimia aragonesa medieval, Valencia, 1972. p 164 [1]

Vinclos externosEditar