Abrir menú principal

Malautía infecciosa

(Reendrezato dende Malautías infecciosas)
Ninón con picueta, malautía infecciosa causada per o virus Smallpox como achent patochen.

Una malautía infecciosa ye producita por un achent patocheno que se reproduce adintro de l'organismo. Una malautía infecciosa se puet apegar de presona a presona, esdevenindo una malautía contachiosa.

L'achent patocheno danyino puet estar un virus, una bacteria, un fongo, un protozou u dica un metazou. En o caso de metazous como achents patochenos, si son de mida macroscopica se parla d'infestación y no d'infección.

Una infección ye a penetración y desembolique de microorganismos patochenos adintro d'un individuo sano, a malautía infecciosa ye a manifestación clinica como conseqüencia d'a infección.

Desembolic d'una malautía infecciosaEditar

Tota malautía infecciosa pasa por quatre etapas:

  • Contachio: quan una presona malauta apega a malautía a atra de sana.
  • Incubación: tiempo compreso entre a entrada de l'achent dica l'aparición d'os primers sintomas.
  • Periodo de desembolic: apareixen os primers sintomas caracteristicos.
  • Convalescencia: dimpués que os achents patochens son acotolaus l'organismo se recupera.