Mai (canción)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre a canción Mai. Ta atros usos de «mai» se veiga Mai (desambigación).
| Mai | |||||
|---|---|---|---|---|---|
| Canción de José Antonio Labordeta | |||||
| Letras | Ánchel Conte | ||||
| Idioma | Aragonés | ||||
| Cantaire | José Antonio Labordeta Gabriel Sopeña | ||||
| Compositor | Gabriel Sopeña | ||||
| Productor | Gabriel Sopeña y Paco Aguarod | ||||
| Chenero | Canción d'autor | ||||
| Disco | Con la voz a cuestas | ||||
| Publicación | 2001 | ||||
| Durada | 3:50 | ||||
| Discografica | Prames | ||||
| Con la voz a cuestas | |||||
| |||||
Atras versions
| |||||
| Manolo García, Olga y los Ministriles | |||||
Audicions
| |||||
| J.A.Labordeta |  (▶Audición 1)
| ||||
| Manolo García | (▶Audición 2)
| ||||
Mai ye una canción en aragonés composata por o musico Gabriel Sopeña y cantata por o cantautor José Antonio Labordeta y o propio Sopeña como una adaptación d'un poema orichinal d'Ánchel Conte. Fue grabata en o disco "Con la voz a cuestas" (2001. Mosicos: Gabriel Sopeña (guitarras), Joaquín Pardinilla (mandola), Javier Estella (baxo electrico), Eliseo Parra (percusión).
O poema "Mai" fue escrito por Ánchel Conte en l'anyo 1969 y apareixió publicato por primera vegata en a suya replega de poemas "No deixez morir a mía voz" en l'anyo 1972.
Atros musicos como Manolo García y grupos, como Olga y los Ministriles (2012) han grabato y feito versions en directo d'a canción, estando-ne a primera feita por Mario Garcés en o suyo disco Fendo camín (1983), que estió amás o primer disco grabato de raso en aragonés.
Parolas
editar- Mai, mira-me as mans;
- as trayo buedas,
- lasas d'amar...
- Son dos alas
- d'un viello pardal
- que no puede
- sisquiera volar.
- Mai, mira-me os uellos,
- en o cielo perdius
- n'un fondo silencio...
- Son dos purnas
- chitadas d'o fuego
- que no alumbran
- ni matan o chelo.
- Mai, mira-me l'alma
- aflamada de sete,
- ixuta d'asperanza...
- Ye un campo labrau
- an no i crexen qu'allagas
- que punchan a vida
- dica qu'a matan.
- Mai, mira-me a yo.
- Me reconoixes, mai?
- Fué o tuyo ninon...
- Huei so un hombre
- que no se como so.
- Mai, me reconoixes?
- Mai, ni sisquiera tú?
Vinclos externos
editar- (an) Versión de Mai por Labordeta
- (an) Vidio de Mai interpretata en directo por Manolo García
- (an) Versión de Mai por Mario Garcés
Datos: Q13049538
