Linache d'os Entenza
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo linache de los Entenza u casa d'Entenza estió una antiga dinastía de la Corona d'Aragón que s'orichinó arredol de lo sieglo XI en lo lugar d'Entenza (Baixa Ribagorza oriental, en la Francha Oriental).
Lo primer miembro documentau de la familia estió Berenguer I d'Entenza, que asistió a la Cruzada de Balbastro en l'anyo 1065. Dos nietos de Berenguer I, Berenguer III d'Entenza, sinyor de Zaragoza y Bernal d'Entenza[1] sinyor d'Alcoleya de Cinca, dioron orichen a dos grans linias de lo linache.[1] Posteriorment, en lo sieglo XIII, s'establió la Baronía d'Entenza. Yera situada a uns 90 km més a lo sud, en ciertas zonas de lo Priorato y las Tierras de l'Ebro pa repoblar los territorios que heban abandonato los musulmans. En ixos tiempos los barons d'Entenza estioron tamién co-sinyors de Tortosa. Lo 1313 Guillén d'Entenza y de Montcada (seisén barón d'Entenza) se trobaba endeudau y fació donación de la baronía a lo rei d'Aragón Chaime lo Chusto, qui en prenió posesión a la muerte de Guillén II, establindo l'anyo 1324 lo Condau de Prades pa lo suyo fillo lo infant Remon Berenguer. Asinas los dominios de la Baronía d'Entenza fuoron incorporaus a lo Condau de Prades. L'anyo 1414 Chuana de Prades heredó la baronía y, en contrayer matrimonio con Joan Folch de Cardona, entroncó la Baronía d'Entenza con lo linache de los Cardona.
Teresa d'Entenza se casó con qui sería lo rei d'Aragón Alifonso IV, pero no se convertió en reina consort porque murió cinco días antes de la coronación. Lo rei Pero lo Cerimonioso naixió d'este matrimonio.
Referencias
editar- ↑ 1,0 1,1 Articlo sobre los Entenza en la Gran Enciclopèdia Catalana
Datos: Q3573161
