Leigh Nash
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Leigh Nash | ||
|---|---|---|
 | ||
| Información personal | ||
| Nombre | ||
| Embotada | ||
| Naixió | 27 de chunio de 1976  New Braunfels (Texas)
| |
| Murió | ||
| Información musical | ||
| Orichen | ||
| Estilo | Pop, Indie, Pop Rock, Soft rock, Adult Alternative | |
| Ocupancia | Cantaire | |
| Instrumentos | ||
| Tiempo | 1993 - ... | |
| Discograficas | ||
| Relacionau con | Sixpence None the Richer Fauxliage Delerium | |
| Pachina web | Leigh Nash Music | |
Leigh Bingham Nash (27 de chunio de 1976) ye una cantautora d'Estaus Unius, líder d'o grupo de rock Sixpence None the Richer[1] y miembro de Fauxliage y Movement Nashville.
O suyo primer disco en solitario, Blue on Blue, amaneixió lo 15 d'agosto de 2006.
Biografía
editarOs primes anyos
editarLeigh Anne Bingham naixió de New Braunfels, Texas. Prencipió a cantar y tocar viellas cancions de musica country con a suya guitarra cuan teneba doce anyos. Mientres muitos anyos actuó en cafés locals cantando en solitario u con diferents grupos. En primerías d'os anyos 1990 conoixió a lo guitarrista y compositor Matt Slocum en a salita d'a ilesia.
Carrera musical
editarOs dos formoron Sixpence None the Richer poco dimpués, gravando un total de cuatre discos con o grupo. O primer disco, que amaneixió cuan Leigh teneba 16 anyos, se deciba The Fatherless & the Widow. O disco tenió buenas criticas, asinas que Slocum y Nash decidioron de buscar nuevos miembros ta o suyo grupo.[2]
Asinas ye como troboron a Tess Wiley, Dale Baker, y J.J. Plascencio. A nuevo grupo gravó This Beautiful Mess, que ganó lo Premio Dove a lo millor disco. Wiley salió d'o grupo dimpues d'a suya chira por os Estaus Unius y o grupo quitó lo suyo disco Tickets for a Prayer Wheel, sinyando con a companyía discografica Squint Records dimpués d'a desaparición de REX.[3]
O disco eponimo d'o grupo salió en 1997 y o single "Kiss Me" en 1999. En 1999 recullioron cuantos Premios Dove, incluindo Millor Artista de l'Anyo. O grupo tamién fue nominata a los Premios Grammy. Y allora plegoron o segundo single There She Goes, que tornó a estar un exito de vendas, y o tercero I Can't Catch You.
En 2000, Nash cantó a canción Need to Be Next to You ta la cinta Bounce t'agradeixer a Miramax que hese emplegato "Kiss Me" en a cinta She's All That, feito que les fació famosos. Escrito por Diane Warren, se convirtió en o primer single en solitario de Nash.
Dimpués de bels problemas con a suya companyía discografica, Sixpence None the Richer tornó en 2001 con o disco Divine Discontent dimpués de perder a dos d'os suyos miembros, Dale Baker y J.J. Plascencio. Os dos singles d'o disco, "Breathe Your Name" y "Don't Dream It's Over", estioron en as listas d'exitos. Manimenos, Sixpence None the Richer anunció a suya disolución o 26 de febrero de 2004 a traviés d'una carta de Slocum a CCM Magazine. Dimpués d'isto, o grupo quitó una replega de grans exitos, The Best of Sixpence None the Richer, ta os suyos fans.
A tamas d'o gran exito que tenió lo grupo con cancions pop como "Kiss Me" y "There She Goes", tamién se veyió afectato por os desenfortunios d'o mercato y decidió disolver-se. Desorientatos por os grans cambios Nash y o suyo marito decidioron dixar la que heba estau a suya casa mientres diez anyos en Nashville y tresladar-sen enta Los Ángeles
Mientres os suyos anyos en Los Ángeles, Nash escribió un conchunto de cancions, que en zaguerías se convertirían en o suyo primer disco en solitario, Blue on Blue, que quitó a discografica One Son Records, discografica propiedat de Nash, en agosto de 2006. Mientres a gravación de Blue on Blue, Nash viachó a Canadá cuantas ocasions. O primer single, "My Idea Of Heaven", apareixió por primera vegata en as radios d'Estaus Unius en a semana d'o 14 de chulio de 2006. D'atra man a canción "Ocean Size Love", que teneba que haber estau teoricament o segundo single, nomás apareixió como promocional. Amás Leigh tamién gravó en iste mesmo anyo a canción Mirrors and Smoke con o grupo Jars of Clay aintro d'o suyo disco Good Monsters.
Tan y mientres, Nash tornó a tresladar-se a Nashville, ciudat d'a musica, dentrando en una nueva comunidat de musicos, recientment constituita como grupo de rock, dita Movement Nashville. O grupo mira de quitar a ideya de que a musica de Nashville se limita a la musica cristiana u country.
En 2007, Nash prencipia un nuevo prochecto, Fauxliage, con o grupo canadiense Delerium, apareixindo lo disco lo 14 d'agosto de 2007. D'atra man Nash, Megan Thompson y Kate York tamién creyoron un grupo de musica cristiana dito "Thompson, York & Nash", habendo treballato en bellas cancions publicatas en o suyo Myspace.[4] Manimenos, denguna d'as cancions que amaneixen en o MySpace han estau folmalment presentatas.
En zaguerías de 2007, Leigh y Matt se reunioron en una cafetería ta descutir sobre una posible reunificación de Sixpence None the Richer. En chinero de 2008 Nash biachó a Nueva Zelanda ta actuar en o festival anyal Parachute Music Festival. En as dos actuacions que fació en o escenario principal atrayió a mas de 30.000 espectadors con os grans esitos de Sixpence None the Richer "Kiss Me" y "There She Goes". En agüerro de 2008, Leigh fació una chira con Delerium.
Dende allora Leigh s'ha reunito con Sixpence, habendo treballato en un nuevo disco My Dear Machine EP,[5] y en un especial de nadal The Dawn of Grace y habendo feito en 2008 chiras por os Estaus Unius y Europa. Tess Wiley tamién tornó ta actuar en a chira europea de Sixpence.
Inspiración
editarNash tien d'so principals fuents d'inspiración: a suya obra con Sixpence en a esfera d'a musica cristiana y a fascinación que tien dende nina por as artistas clasicas de country como Tanya Tucker, Loretta Lynn y Patsy Cline.
Fa tiempo, en a suya adolescencia, Nash cantaba cancions de Loretta Lynn y Tanya Tucker como "You Ain’t Woman Enough to Take My Man" y "Texas When I Die" en diferents locals d'a suya ciudat. A tamás d'a suya preferencia inicial por o country dimpués tamién s'intresó por grupos pop como The Sundays, Innocence Mission y The Cranberries que estioron fuent d'inspiración en as suyas composicions.
Vida personal
editarLeigh ye a menor de dos chirmanas. Se casó con Mark Nash, batería de PFR, en mayo de 1996 y se'n esburció en 2007. Tienen un fillo que naixió en 2004. Leigh conoixió a lo suyo marito cuan os suyos grupos yeran tocando en o Cornerstone Festival en Illinois[6]
Discos
editar| Anyo | Disco | Singles |
|---|---|---|
| 2006 | Blue on Blue
|
|
| 2007 | Fauxliage (con Delerium)
|
|
Referencias
editarVinclos externos
editar- (en) Leigh Nash Music (Pachina oficial).
- (en) Leigh Nash (MySpace).
- (en) Fauxliage (MySpace).
Datos: Q2746861
Multimedia: Leigh Nash / Q2746861
