Krampus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Krampus ye en o folklore d'as arias alpinas austro-bavaras una criatura antropomorfica que castiga a os ninos malos mientres o Nadal, en contraste con Sant Nicolás, que traye presents ta os ninos que han estau buenos. O Krampus acompanya a Sant Nicolás en os desfiles que se fan en muitas rechions alpinas d'Austria y Bavera. L'orichen d'ista fegura no ye guaire claro; bels folkloristas y antropologuistas veyen en ella un orichen pre-cristiano.

O Krampus y Sant Nicolás vesitan una casa vienesa en 1896

Os desfiles tradicionals en os que os hombres chóvens se visten de Krampus, conoixius como Krampuslauf, se fan anyalment en a mayoría de localidaz alpinas d'istas rechions. O Krampus apareixe en muitas felicitacions nadalencas ditas Krampuskarten.

Apariencia

Desfile d'o Krampus en Pörtschach am Wörthersee en 2013

Encara que o Krampus apareixe con diferents representacions, a mayoría tien una serie de caracteristicas en común. Tien muito pelo, por un regular marrón u negro, y tien cuernos y garras de craba. A suya luenga ye roya, gran y enreligada.

O Krampus gosa levar cadenas enrobinadas, que simbolizan a unión con o Diaple en as ilesias cristianas. En caminar mueve as cadenas y las fa sonar contra grans trucos que leva en a esquena u a cintura ta producir un efecto encara mas dramatico.. A vegadas o Krampus apareixe con un saco u capazo de vimbre penchau en a esquena; que fa servir ta portiar-se a os ninos que dimpués se minchará un ta levar-los enta o infierno.

Se veiga tamién

• Perchten
• Frau Perchta
• Sant Nicolás

Referencias

• Datos: Q925042
• Multimedia: Krampus / Q925042