Jose Manuel Falcón Martín
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Jose Manuel Falcón Martín | |
---|---|
Información personal | |
Calendata de naixencia | 1955 |
Puesto de naixencia | Zaragoza (Aragón) |
Calendata de muerte | 2003 |
Puesto de muerte | Cuenca (Ecuador) |
Ocupación | Naturalista |
Jose Manuel Falcón Martín ye naixito en 1955 de Zaragoza y morió en Cuenca (Ecuador) en noviembre de l'anyo 2003. Estió naturalista, herpetologo y un pionero de l'ecolochismo en Aragón y en Espanya.
Encara que zaragozano de naixencia (a suya madre fue dende Urreya de Gayén por seguridat pa o parto y morió por hemorrachia), consideraba Urreya de Gayén o suyo lugar por haber-se-ie criato.
En os anyos 1960 Jose Manuel Falcón Martín estió d'os pocos activistas en a protección d'a naturaleza en Aragón, chunto con Adolfo Aragüés, Javier Lucientes y Henri Bourrut.
En 1977 fundó con atros companyers l'asociación Jóvenes amigos de los animales y la naturaleza de Zaragoza JAANZ.
Como naturalista y herpetologo, Jose Manuel Falcón Martín destacó escribindo en 1982 os libros "Guia ecológica de Aragón para escolares" (dos edicions) y "Los anfibios y reptiles de Aragón", o primer libro d'os anfibios y reptils aragoneses. Además realizó o primer atlas preliminar de distribución d'os reptils y anfibios d'Aragón, publicato en 1987 en a Revista Española de Herpetología. En o suyo libro "Los animales de mi pueblo" de 1995, remembra a suya infancia y estancia en Urreya de Gayén. A suya contribución pionera a lo desembolique d'a herpetolochía en Aragón ye important. Estió miembro destacato de l' Asociación Herpetológica Española y miembro honorifico de a Sociedad Herpetológica Aragonesa. En 2014 a Sociedad Herpetológica Aragonesa, creyó o Premio José Manuel Falcón Martín al mérito en Herpetología, en as I Chornadas Internacionals d'Herpetología.
Afectato d'esclerosis multiple dende 1973, en 1991 se'n fue ta Ecuador a vivir mirando un clima mes favorable pa millorar o suyo estato de salut, morindo-ie l'anyo 2003.