Incendio de l'Hotel Corona de Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'incendio de l'Hotel Corona de Aragón tenió puesto lo 12 de chulio de 1979 en Zaragoza y produció 78 muertos y 113 personas feridas. No podió determinar-se a responsabilidat d'o feito en aquel inte. Encara que a vía chudicial penal no estió capable de trobar os indicios suficients pa dictaminar que l'incendio estió intencionau, a vía civil consideró que o desembolique de l'incendio i heba estau accelerau per a presencia de bellas substancias incendiarias u explosivas, encara que sin averiguar quí habría colocau ditas substancias.

L'edificio de l'antigo Hotel Corona de Aragón en Zaragoza que se troba en l'avenida de César Augusto.

Dende o mesmo inte de l'incendio, y dica l'actualidat, as especulacions sobre a naturaleza de l'incident, y si estió un atentau terrorista u no, u a suya posible autoría, han estau multiples, con atribucions inicials a ETA, encara que tamién a lo FRAP u a grupos ultradreitistas. En 2000, o gubierno a traviés de vías d'a chusticia plegó a admitir que yera un acto terrorista d'ETA, indemnizando a los familiars d'as victimas como victimas de un atentau con una cuantía economica.

Referencias

• Datos: Q5911418
• Multimedia: Hotel Corona de Aragón fire / Q5911418