Hesperidio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En botanica, un hesperidio ye un tipo de baya modificata, a sobén obtenito de citricos. Son un fruito carnoso con cubierta mes u menos endurexita, constituita por pericarpo, mesocarpo y endocarpo, y materia carnosa entre o endocarpo u parete interior de l'ovario y as simients. N'este caso, por tanto, a parte carnosa no ye constituita por as paretes de l'ovario, ye constituita por carpelos zarratos y inflatos entre ellas y las simients. Cada carpelo zarrato con las celulas que bi ha dentro y as simients constituye un gallo. O disenyo ye por tanto diferent de tot a lo d'as bayas, con as que ye posible a confusión, pero en as bayas son o mesocarpo y o endocarpo os que constituyen a materia carnosa u polpa.

Sección de una narancha amostrando a estructura d' hesperidio con gallos en simetría radial.

Bels eixemplos d'hesperidios son fruitos de rutacias como:

• O limón.
• A narancha.
• A mandarina.

Vinclos externos

• Se veigan as imáchens de Commons sobre o hesperidio.

• Datos: Q1429336
• Multimedia: Hesperidium / Q1429336